1 Pita 3:8 - Nobonob Baibel

⁸ Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Pita 3:8 ပူးပေါင်းရင်းမြစ်များ

Sam 103:13

Nug am nid mamelag nug nid naunau dilag oo gai-iitta doya oo matta ehanadtte, amubia Yawe Nug danab ah ag nuhignu ebehilag oh bodoetta le mette ele, Nug amu dilagnu oo gai-iitta doya oo matta ehanadtte.

Prowerb 28:8

Laa ag lonnu intres, ag amuppa enulag okkai tuɗidna aotteb amu; Kayak Nug heeb, ahilag en am laa ag daɗek ehanadtteb ele, ahilag daakku.

Sekaraia 7:9

“Yawe Nukka Ɠagattag Oh Ele Nug inam atte. Ag nai doya mala hettoɗia epeɗia elele mettak kobolnu oo metta ii uuak doon hena, ag oo gai-iitta doya oo metta ehanittak kobol, ag oo bodoetta le mak kobol ele dim lamidna, anamib akka akka ahilagppa heig!

Matyu 18:33

Da nahipnu ool gai-iitta doye ool metten ehanidmi, am aɗinu na layapnu anambia ii heme?’ awa aum.

Luk 10:33

Amge Samaria danab laa, ⌊Samaria Israel ele ag layam ena iitta amu,⌋ nug ib amuppa uɗia, danab amu gumitta doa, danab amu antta, nug oo bodoetta le meum.

Aposel 2:1

Aria, haen Juda dilag deɗ okkai onig Pentikos, deɗ amu uɗie, laa Jesusnu oolagppa genab dooppig, ag oh aben laippu appa qagmeppig.

Aposel 27:3

Aria deɗ amu uue, wagɗe deɗ amuppa ig gota Saidon eeɗmut. Julius nug Pol nuhigppa kobol enaib ha uuitte, Pol nug laikkud gumatta oiyebeb, ee keeke mettaglagnu aum.

Aposel 28:7

Aria, aben amu guguittak amu, nud amunu gumak danab okkainu wan laa dayom. Danab amu nug onig Pablius. Danab amu nug ig ele laippu dayaknu ooppa eleleib doya, ig omaikke nug laugppa gota, deɗ ewam appa daautut, nug dabmekka auta awom.

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Rom 15:5

Amu ag oolag laippu daanna, oɗelag oh ob, ag Kayak, Nug am ihinig Naɗi Jesus Kristus Mameg, Nug binag mekkulagnu, ig Kayak, Nug am oo maɗoɗ ele dayak amu ɠagattag dayak elenu diig amu, Nug ag ehanatteb, ag Kristus Jesus dim lamidnana, ag dabmak laippu aɗan oiglagnu oonig daatte.

1 Korint 1:10

O lailad, da Naɗi Jesus Kristus onigppa ag unuqadttem, ag obatak obatak daamnanu ag oolag laippu dayeg! Ag dabmak laippu, aɗi haknu laippu ele daaglagnu ag oolag laippunab dayeg!

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

Epesus 4:2

Ag onig qe nak kobol dim lamidna, oolag bodoettak ele daana, ag oolag maɗoɗ ele dayeg! Ag oo mauhak kobol dim lamidna, ag nug ehanidnana dayeg!

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

Pilipai 3:16

Amge kobol ig aomut ele amu, ig aɗat autta auttanab tuɗidta hetu!

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Hibru 13:1

Ag Kayak baekkudppa daatteb ele amu, ag lailkad dilagnu nug oo mauhak aib uuppig.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

Jems 5:11

Ag doyeg! Ig, “Danab ag uug doyaya eɗittaknuib dabmak awak kobol dim lamidppig amu, ig ag itittak ena aoppig daatteb,” aot attem amunu, ag amu anidkkulagnu ag Jobnu kaya dabmekkulag. Ag dootteb. Nug oo ɠagattag qetta, uug oh nuhigppa beppig am mawom. Anam he, dimppa Naɗi nuhignu kobol ena he beum. Aɗinu? Naɗi Nug ihinignu oo gai-iitta doya oo mekka ehanikka auta aotte; Nug ihinignu oo bodoetta le mak ele doya auta aotte.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

2 Pita 1:7

Amu ag lailkad ele layam ena daaglagnu kobol aona, ag genab tutukku hak kobol ele ouaqateg! Amu ag oo mauhak kobol aona, lailkad ele layam ena dayak kobol ele ouaqateg!

1 Jon 3:14

Ig lainkad dilag oonig mauhtte amunu, ig amuppa doottem, ig mauhak kobol uuta, ig bauklelppa daattem. Am laa nug layagnu oo ii mauhtte amu, nug mauhakppa daatte.