1 Pita 2:6 - Nobonob Baibel6 Amu Kayak naippa, nai laa Jesusnu am inam daatte. “Da geha Sion appa men epeɗiak, men enanag laa, ukku ɠagattag daakkunu ebakkul. Amu laa nug nuhignu ooppa genab dookku amu, nug uɗa nak iinab aoma. Iitta.” အခန်းကိုကြည့်ပါ။ |
Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.
⌊Amge⌋ Naɗi Yawe Nug ehaniɗtte amunu, ⌊gog tak haenppa⌋ auntai laa dahilnu nai eheɗ laa aabob, da uɗa nak nau guittak ele ii doopa. Ge, Naɗi Yawe Nug ehaniɗeb, da uɗa nak nau guittak ele ii doopa amunu, da nuhig nai dim lamidkkulnu dabmak ɠagattagnab awe daattem; amu diig amunu ⌊gog tak haenppa⌋ da uɗa nak laa ii aopanu doottem.
Ag baula uɗa nak ii doomna amunu, ag aib baɗappig. Ao, danab laa ag baula heppeg, ag laa noolagppa uɗa nak nau guittak ele ii doomna amunu, ag dabmak kuɗum aib aoppig. Aɗinu? Yawe Nug heeb, uɗa nak ag nid, nid ahin bau daan, kobol kobol heppignu dootteb amu, ag uɗa nak amu daulag atikku. Ao, Yawe Nug heeb, ag ah laa, gamu mauhe, daɗek nau dayaya oiye, danab laa nuhignu nai nau appig, amubia laa ag ahilagnu madippig amu, ag nai amu baula dab-ii-memana,” awa atte.
Nug uɗikku, amge tatam da nai buk laa onig Nai Genabnu Buk, nai buk amuppa daatte am appi dookkut. Da amu hekkul amge tatam na imu dookkut. Persia dilag okkai, Grik dilag okkai ele, danab aɗit amu aa da ele ban hettem; laa ehaniɗlob, amge laa anam ii hetteb. Iitta. Nahip ehanittak okkai Maikel, nug nukka ehaniɗtte.
Kayak Nug he, nuhig nai oh aakku beum, amu ig Kayaknu danab, ig babaittak daat, uɗat ena oh hekkunignu elele daagnignu, nai amu ig ehanigtte. Attemun ehanigtte? Ig amuppa ippunittak aottem. Ig eheɗ hekkunig dayeb amu, ig daug batak megatte. Ig ena ii oignig dayeb, ib tutukku ippunigtte, amu ig Kayaknu neekkakppa genab tutukku hak danab daagnignu ib ele ippunigtte.
Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.
Pol nug uɗug laala ele yaalattom, amu amuppa nug keeke oh da yaami, nug amunu ele yom. Nuhig yaakppa keeke laala doya oo maittaknu am uug ele, amu danab laala, ag am danab doyak elele ii awak, ag ooppa genab doyaknu mehuqak oh pehettak ele ii dootteb amu, ag Polnu nai amu ebqena, mehuqak augigiak, ag Kayaknu nai laala mehuqak augigiak hetteb bia hena, ag akka ag nob nau aoglagnu aakku ib bappaidtteb.