1 Pita 2:16 - Nobonob Baibel

¹⁶ Amu ag danab uhuqak ena aon daatteb amunu, ag danab uhuqak aoppig bia oiyeg! Amge amuppa ag kobol nau lokkumna aib heppig. Ag Kayaknu kobol ena dim lamidnana, nuhig maɗi nid dayeg!

1 Pita 2:16 ပူးပေါင်းရင်းမြစ်များ

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Jon 15:22

Da uɗien, danab amu ag amelagppa nai laa ii mattilom amu, ag hipuninnu aab iitta daalob, amge gemu ag hipuninnu aab iitta daaglagnu ib laa iitta.

Rom 6:18

Amu Kayak Nug ag eheɗ hak kobol ooppanu uhuqatte, ag aakku genab tutukku hak kobolnu begbeg maɗi nid beppig daatteb.

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Galesia 5:1

Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Epesus 6:6

Ag ahilkad okkai amelagppaib, ag oolag ittag aqakkunuib aib heppig. Iitta. Kristusnu begbeg maɗi nid, nug oo oh Kristus metta Kayak oɗe dim lamidtte amubia heig!

Kolosi 3:24

Aɗinu? Ag dootteb, butti aɗi Naɗi Nug nob ena, Nug danab ah nuhikkud, ahilagnu matu babaittom daatte ele amu, Nug ag madakku. Ag am Kristusnu maɗi nid, Nug am ahilag Naɗi daatte.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Jems 2:12

Oo mauhak kobol nug ag aɗi hekkulagnu ippunadtte ele amu, ag amu hettebte oo iittate. Kayak Nug amuppa epeɗiadkku amunu ag aɗi atteb, aɗi hetteb ele amu ag amu dabmenan oiyeg!

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.

Jut 1:4

Da nai inam yaattemnu diig am, ippunittak danab hambuppuak ag matu tamaniak ooppa lokkumna noppig daatteb. Danab amu, ag am Kayaknu nuhig haknu ele uuak danab amu, ag atteb. “Ig Kayak baegppan danab bewota, kobol eheɗ kuɗum hetata, ig Kayaknu ehanittak okkai hamu mettak, ig amuppa ig nuhig hettoɗiak deɗ eɗidkkunig,” aon atteb. Ag ele Jesus Kristus guhuɗidtteb; Nug am ihinig Naɗi, ihinig Gumak Danab Anuqak. Anukka danab laa nug Kayak naippa danab amubia dilagnu nai yom daatte, amubia ag am genabnab nob nau aoglag.