1 Pita 2:1 - Nobonob Baibel

¹ Amunu ag kobol nau oh dim lamidkkulagnu uueg! Ag nai hambuppuak, kobol hambuppuak ele uuna, ag laa dilagnu aib amelag qeeb oolag elele ii dayom; baeg qak nai atten ele aib madippig.

1 Pita 2:1 ပူးပေါင်းရင်းမြစ်များ

Job 36:13

Danab ag Kayaknu nuhig haknu ele uuak dootteb amu, ag oolagppa oo aeg bak ambak daatte; Kayak ag dabmak eɗuglagnu dabma, amunu qakkaladtte amu, haen amuppa ele ag amu dabmenana, Nug ag ehanadkkunu onigppa ii etteb.

Sam 32:2

Danab laa Yawe Nug nuhig hipunin uhuqa mettom daatte, bu laa aokkunu ii daatte amu, danab amu nug itittak ena awom daatte. Ao, danab laa nug ooppa hambuppuak laa ii daatte amu, nug itittak ena awom daatte.

Sam 34:13

na aɗi attem amu, na amunu pehettak dabmena, nai eheɗ aib mattime! Ao, nai hambuppuak laa aibnab aib mattime!

Sam 37:1

Nau hak danab ag ena daaglagtai, amge na amunu, “Attemnab anam daatte,” na dabmak amunu tuqa ii awak aib aome. Ao, laa ag eheɗ hetteb ele, na amu dilagnu aib amen qeeb oot elele ii dayom.

Sam 73:3

Aɗinu? Da beɗuppa tak danab ah dilagnu amu, da ahilagnu amel qe ool elele ii dayom. Yo, da nau hak danab ah, enulag okkai ele anatten, da ahilag keekenu amel qe ool elele ii dayom.

Prowerb 14:30

Ooppa maɗoɗ ele dayak am beɗu ena daakkunu ehanidtte; amge laanu ameg qe oo elele ii dayak kobol am he, danab beɗu nauhtte.

Prowerb 24:1

Na nau hak danab dilagnu aib amen qe, oot elele ii dayom. Ao, na ag ele daaglagnu aib heme.

Prowerb 24:19

Eheɗ hak danab ag ena daaglagtai; amge ag anam daatteb dayeb, na “Attemnab ag anam daatteb?” na dabmak amu tuqa ii awa oiyak aib heme! Ge, nau hak danab, ag ena daaglagtai; amge ag anam daatteb dayeb, na amu dilagnu aib amen qeeb oot elele ii dayom.

Prowerb 3:31

Amu danab nug laa guittak nau mauhnoak mettaknu tiigppa daatte amu, na nuhignu aib amen qeeb oot elele ii dayom; na aib kobol nug hette ele, na amunu laippu laanu oot heeb dim lamidme.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Matyu 15:7

Ag hambuppuak danab! Propet Aisaia nug ahilagnu tutukkunab aakku anukka propet nai ana, inam mattiom.

Matyu 23:28

Ag anamnab aakku daatteb amunu, danab laa ag ag anidna ag, ‘Umuam genab tutukku hak danab,’ aon atteb, amge ag ɗo gumak danab-Parasia amu ɗo mehuqak danab ele amu, ag oolag ooppa ag hambuppuak danab, amu nau hak danab daatteb.

Matyu 24:51

Uɗia amu, danab okkai nug maɗi nid amu eheɗnab hettowa, awa meeb, nug hambuppuak danab ele daaglag. Appa danab ag gaanna, aelkad emalna daaglag.

Matyu 7:5

Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!

Mak 12:15

Ig mettagnig o iitta?” aon appig. Ag anam appig, amge Jesus Nug ag hambuppuak danab dilag kobol heppig doya, Nug aum. “Aɗinu ag heppeg, ɗo danab ag da aɗailkkulagnu hetteb? Ag men doɗo laa onig danarius aon doppeg, da anttei!” awa aum

Luk 11:44

O gadonnab gadon, ag dabmeig! Ag am boumaknu moɗ laa, moɗ amuppa moɗ laa iikku daattenu at laa ii daatte amu, danab ii doonna qaɗeppa oitteb, ag amubia daatteb,” awa aum.

Luk 12:1

Haen danab ah ameg tausen kuɗum ag qagmena qataiettan, laala ag akka akka nug baeg tappan daaegeg amu, Jesus Nug tatam nuhikkud ippunittak awak danab amelagppa aum. “Ag ɗo gumak danab-Parasia dilag yisnu dabmeig! Da ahilag hambuppuak kobolnu attem.

Luk 6:42

Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka amenppa ad imuag dayakib daatte amu, na ii anidttem. Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!” awa aum.

Jon 1:47

Pilip nug anam a, Nataniel nug Jesus anidkkunu uɗieye, Jesus Nug antta, Nug aum. “Antteg! Umu am Israel ted genab. Nug ooppa am hambuppuak laa iitta,” awa aum.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

1 Korint 5:8

Amunu ig Pasowanu Hobulppa bret yis alag eleppa aib lamut. Yis amuam oo aeg bak kobol, am hipunin laa oh hak kobol ele. Ig Pasowanu Hobulppa bret yis iitta ele latu! Bret amuam kobol tutukku, kobol doyak diig genabibppanu ele ippunigtte.

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

1 Tesalonaika 2:3

Mattiak ig mehuqttem ele, amuam dabmak hambuppuakppanu, o diig ena iittappanu, o bubuittak kobolppanu ele ii bette.

1 Timoti 3:11

Amu ag waalkad ele ag ah danab laa ag ahilagnu ena elele dooglagnu elele daanna, ag baeg qak nai ele aib madippig. Ag tutukku oinna, amu ag hambuppuak kobol laa ele ii hemana.

Taitus 2:3

Amu na ah kaino ag ele danab ah oppiaawak doon oiglagnu ib daatte, amubia ag tutukku oinna, ag baeg qak nai ii mattimnanu, ag wain huana ii lamananu, ag kobol enanu ippunittak ah daaglagnu,

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Jems 1:21

Amunu kobol nau oh, kobol dubuttid oh ele, wan ohppa daatteb amu, ag amu oh maoppeg ukkeb, ag akka ag onilag qeppeg neeb, ag nai Kayak Nug ag oolagppa eppom daatte amu aweg! Nai amu nug ag eɗua diikkunu elele.

Jems 3:14

Amge laa dilagnu amelag qe oolag elele ii dayak kobol ninig ele ag oolkadppa daatte dayeb, amu akka akka ahilagnuib dabmak awak kobol ag oolkadppa ele daatte dayeb amu, nau amu tonattepnu ag dada mattiak, nai hambuppuak ele aib madippig.

Jems 4:11

O lailad, ag lailkad dilagnu nai eheɗ aib appig. Danab laa nug layag laanu nai nau atte, o iitta nug layag epeɗitte ele amu, nug ɗonu ele nai nau ana, ɗo ele epeɗitte. Aria, na ɗo epeɗittem dayeb amu, na ɗo dim lamittak danab iitta; na ɗo epeɗittak danab daattem.

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

Jems 5:9

O lailad, ag lailkad ele aib nug naittuɗ meppig. Ag kobol amu hekkulag amu, Kayak Nug ag epeɗiatta, nob nau madakku. Amu Epeɗiak Danab Nug dokkunu haen miagnab malom daatte.

1 Pita 2:16

Amu ag danab uhuqak ena aon daatteb amunu, ag danab uhuqak aoppig bia oiyeg! Amge amuppa ag kobol nau lokkumna aib heppig. Ag Kayaknu kobol ena dim lamidnana, nuhig maɗi nid dayeg!

1 Pita 2:22

Nug hipunin laa ii heum, oɗeppa nai hambuppuak ele ii dayom.

1 Pita 3:10

Amuam Kayak naippa, nai daatte amubia. Nai amuam inam. “Aun laa nug bau daakkunu oo daatte; ao, aun laa nug haen elab dayaya, nug dayak ena dayaya, maɗoɗppan gamag ahak dookkunu oo daatte ele, nug aɗi atte amu, nug amunu pehettak dabmaama, nai eheɗ aib mattiom! Ao, nai hambuppuak laa aibnab aib mattiom!

1 Pita 4:2

Amunu amu dimppa, haen danab amu nug bau dayaya wanppa oitte amu, nug kobol nau baula ii dim lamidtte, danab laa hetteb bia. Iitta! Nug Kayaknu dabmaknab dim lamidtte.

1 Pita 4:4

Gemu ag aakku kobol nau amu baula ii hetteb amunu, danab Kayak baekkudppa iitta, ag ag ele kobol nau amu gemu ii hetteb, ag amu anidna ottaina, ahilagnu nai eheɗ atteb.

Revelesen 14:5

Ag oɗelagppa nai hambuppuak laa ii madippig, ag oolagppa kaliak laa iitta ele.