1 Pita 1:5 - Nobonob Baibel

⁵ Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

1 Pita 1:5 ပူးပေါင်းရင်းမြစ်များ

Job 19:25

Aɗinu? Da inam doottem; laa Nug da qagaiettakppanu eɗua uhuqak danab dahil daatte. Ao, Nug daatte amu, gog tak haenppa Nug wanppa daakku.

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Prowerb 2:8

Nug danab ah ag nai doya mala hettoɗia epeɗia elele mettak kobol dim lamidna oitteb ele, Nug ag ehanatta, ena daaglagnu dabmadatte. Ao, nug danab ah ag nuhignu oo metta ii uuak kobol dim lamidtteb ele, Nug ag ena daaglagnu dabmadatte.

Aisaia 45:17

Amge Yawe Nug Israel ehanatteb, ag padal iinab memana. Ehanitteb, padal ii mak amuam hanhannu; iitta ii mema. Ao, ag Israel, ag uɗa nak ii aomna; laa noolagppa uɗa nak nau guittak ele ii daamna. Ag hanhan anamib daaglag.

Aisaia 51:6

Ag danab ah ag amelag human, hab anidna, ag honap wan ele antteg! Aɗinu? Qinob dimppa hab nug aab kah iitta mette bia iitta mekku. Ao, wan ele am alag ma, iitta mekku. Ge, danab ah wanppa daatteb amu, ag qabuttid mauhtteb bia mauhkkulag. Keeke oh anam iitta mekku, amge dahil danab ehanatte, padal ii metteb kobol amu, kobol amuam hanhan daakku. Ao, genab tutukku hak kobol dahil am iitta ii mema.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.

Jeremaia 23:4

Amu da Yawe, da geha gumak danab huu bau laa otiadppi, ag geha danab ah dahilad, ag sipsip bia amu, ag ag ena gumadkkulag. Ag ena gumadppeppeg, ag keeke laanu ii baɗamna. Keeke laa heeb, ag baɗak eheɗ nau ii doomna. Am geha ag oolagppa laippu laa ii padal mema; iitta,” awa atte.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.

Jon 17:15

Da na ag wan imuppanu diiadkkutnu oɗ ii medattem. Iitta. Na heppe, Satan nug ag diiadkkunu elele iitta daakku, da amunu na oɗ medattem.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Rom 11:20

Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

Rom 8:18

Dahil dabmak okkainab, amuppa amu, da uug guittak ele ig gemu doottem dabmein, dimppa ig keeke ena ena aognig ele dabmein, dimppanu keeke ena ena ele ⌊amuam ig Jesus ele Kayak bekkod daat, nuhig keeke enanag aognig,⌋ da keeke amunu am keeke okkainab doyen, uug ig gemu doottem am keeke nakoknab bia doottem

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

Epesus 2:8

Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Pilipai 4:7

Ag anam heppeg, maɗoɗ, Kayak Nug maɗoɗ amu ig megatte ele, maɗoɗ amu danab dilag doyak oh eɗadtte, maɗoɗ amuam ag Kristus Jesusnu daaegeg, ag oolag, dabmak ahilag ele atognoateb daaglah.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Pita 4:13

Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

2 Pita 1:3

Kayak Nug nuhig ɠagattag okkaippa, Nug keeke oh ig bau daat, genab tutukku hak danab daagnignu mekkom. Nug nuhig ena hak kobol, nuhig binag amahlak oppiaawak ele dabmaama, ig oninigppa e, ig Nug doottem, amu doyak amuppa Nug keeke amu oh ig mekkom.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.