1 Pita 1:3 - Nobonob Baibel

³ Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

1 Pita 1:3 ပူးပေါင်းရင်းမြစ်များ

1 King 8:15

Nug itittak ena mattowa, nug inam aum. “Ig Yawe, Nug ig Israel, ihinig Kayak, ig Nug binag metu! Nug da mamel Dawit amegppa Nug oɗeppanab nai ana qakkom amu, nug nai amu tutukku dim lamitta he, meu oum.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

2 Stori 31:8

Israel danab ag keeke aon uɗin meeg, qagmak naɗinab daappig amu, haen Hesekaia, nuhikkud ehanittak anuqak danab ele ag uɗin, amu anidna, ag Yawe binag mena, ag Israel danab ah, ag Yawenu danab ah amu, ag ag itittak ena madappig.

Sam 41:13

Ig Yawe, Israel dilag Kayak, ig hanhan alet binag metu. Genab, anam dayaɗ! Genab, anam dayaɗ!

Sam 86:15

Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Sam 86:5

Aɗinu? O Naɗi, na am enanag. Na danab ah, ahilag hipunin uhuqna madattem. Nahip oo mauhaknab kobol am amba, leta nette, amu danab ah ag na ⌊ahilag hipunin uhuqna madakkutnu⌋ unuqidtteb amu, na amu dilagnu oo mauhaknab kobol nahip amu dim lamidttem.

Eksodas 34:6

Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Jon 1:13

Ag tiig makkulakppa o beɗunu kobolppa, o danabnu dabmakppa Kayak bekkod ii beppig. Iitta! Kayak Nug he, ag Nug bekkod beppig.

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 4:25

Kayak Nug Jesus me uɗia, ihinig hipunin uhuqa megakkunu mauhom, amu ⌊ig Nug eɗua hibaittom anidta, nuhignu oonigppa genab doopput,⌋ Kayak Nug ⌊amuppa⌋ ihinignu, “Genab tutukku hak danab,” akkunu Nug he, Jesus eɗua hibaittom.

Rom 5:10

Aɗinu? Anukka ig Kayaknu kekeɗ daautut, Nug Bekka ihinignu mauha amu, mauhak nuhig amuppa Nug kekeɗ kobol he iitta me, gemu ig Kayak ele oonig laippu daattem. Kayak he, ig Nug ele oonig laippu daattem, Nug Bekka ele bau daatte, diig amunu genabnab genab Kayak Bekka ⌊Nug Kayaknu oppoɗi bak,⌋ Nug amuppanu eɗua awigkku.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 8:24

Kayak Nug ig eɗua awikkom, amu gemu ig amu gogppa tekkunu dabmak aɗat daattem. Amge ig amu gogppa taknu dabmak aɗat daattem ele, ig amu anidta malalom, gogppa taknu dabmak aɗa dayaknu uɗat laa tuɗitta ii daalo. Danab nug gogppa tak anttom ele, nug aɗinu tuɗitta gog taknu dabmak aɗa daakku?

1 Korint 13:13

Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

2 Korint 1:3

Ig Kayak binag humatu! Nug am Kayak ihinig, Naɗi Jesus Kristus Mameg. Nug am oo gai-iitta doya oo metta ehanittaknu kobol Mameg daatte. Ele amu Nug am oo mak mettaknu oo awaknu Kayak daatte.

Galesia 6:16

Danab oh ag imunu dabmena, aon oolagppa mena, aɗan dim lamidna oitteb ele amu, da maɗoɗ, amu Kayaknu oo gai-iitta doya oo metta ehanittak kobol ele ahilagppa daakkunu ool daatte. Danab amu ag am Kayaknu danab, Israel daappig bia.

Epesus 1:17

ihinig Naɗi Jesus Kristusnu Kayak, Nug am ig Mamenig, Nug binag amahlak oppiaawak ele, Nug ag Ouɗi matteb, ag nuhig nainu diig, Kayak ele tutukku dooglagnu ool dayeye unuqidttem.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Epesus 2:4

Amge Kayak, Nug ihinignu oo mauhak okkai dootte ele, Nug oo gai-iitta doya oo metta ehanittak kobol okkai ele dim lamidtte amu,

Epesus 3:20

Kayak, Nug nuhig ɠagattag ig oonigppa uɗat hette ele, Nug amuppa keeke okkai okkai, ig amunu dabmekkunignu, o Nug oɗ mettagnignu elele iitta. Ao, Nug amu eɗittak okkainab hekkunu elele; amu binag amahlak oppiaawak ele nuhigppa dayaɗ!

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

1 Tesalonaika 4:13

O ig lainkad, ag danab ah mauhppig, ag amu dilagnu amu ootot daaglagnu, ag danab laa ag Kayaknu oolagppa genab ii dootteb ele, ag eɗua hibaittaknu deɗ ameg ii metteb ele, ag mauhaknu gaatteb, amubia gaaglagnu ele amu, ig oonig ii daatte.

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Pita 1:23

Aɗinu? Ag Kayak nai bauklel ele, nai amuam ii iitta mette, hanhan alet ele daatte, ag amuppa ag bau menuak aoeg, ag Kayak, Nug bau hanhan daatte, Nug ii mauhtte, ag Nug bekkod daatteb.

1 Pita 2:2

Amu ag danab laa nug ee enanag laa lana enanag dootte, amubia ag Naɗinu enanag doona, ag Nug bekkod daatteb amunu, ag ena mekkulagnu, nid yuɗ ag huh aoglagnu oolag okkainab daatte amubia, ag Kayak nai, ag amu dooglagnu oolag dayaɗ!

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.

1 Pita 3:5

Anukka ah ag Kayak Nug aɗi hekkunu aum amu, Nug genab hekku oolagppa genab doon oppiaawak daadttappig amu, ag ib amuppa heeg, ag iɗulag tuqak daadttappig. Ag Sarah heum bia ag gamulkad waalagppa daappig.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.

1 Jon 3:9

Amu danab laa nug Kayak Bekka daatte amu, Kayaknu bauklel nuhigppa daatte amunu, nug hipunin kobol dim ii lamidtte. Nug hipuninppa oikkunu elele iitta. Aɗinu? Nug am Kayak Bekka.

1 Jon 4:7

O gamalad, ig lainkad ele ig oh nug oo mauhak dootu! Aɗinu? Oo mauhak kobol diig am Kayak. Laa nug oo mauhak kobol dim lamidtte amu, nug Kayak Bekka daya, nug ele Kayak dootte.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.

1 Jon 5:4

Aɗinu? Danab aun aɗi ag Kayak bekkod daatteb ele, ag wan imuppan kobol nau amu eɗidna, ɠagattag daatteb. Ig Jesusnu oonigppa genab doottem amu, amuppa ig wan imuppan kobol nau eɗidttem.