1 Pita 1:2 - Nobonob Baibel

² Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

1 Pita 1:2 ပူးပေါင်းရင်းမြစ်များ

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Aisaia 65:22

⌊Gemu haen kuɗum kekeɗ ag uɗin, ahilag keeke aotteb, amge⌋ haen amuppa da heppi, ag laulkad buuppeg, laa ag uɗin amuppa ii daamna. Da heppi, ag keeke ebappeg, laa ag uɗin ii lamana. Aɗinu? ⌊Da ag ehanadkkul.⌋ Amu dahilad danab ah ag ad haen elab daatteb bia daaglag. Ao, danab ah da ag tituanadmi amu, ag aɗi keeke ag eppelagppa hetteb ele amu, ag uɗat amunu meunu haen elabnab oolag gamag ahakku.

Aisaia 65:9

Da heppi, Jakop buɗub, amuppanu danab kuɗum bekkulag. Ao, Juda buɗub, amuppanu danab kuɗum dona, ag wan dahilppa daan oiglag. Danab ah da ag tituanadmi ele, ag dahil wanppa daan oiglag. Ao, dahilad maɗi nid maɗi ah ele ag aguppa daaglag.

Daniel 4:1

Da Nebukatnesar, da pas imu danab ah, ag huu anen anennu, ag wanppan wan anen anennu, ag nai ohppanu amu, da ahilagnu pas imu mei gotte. Ag maɗoɗ okkainab ele daaglagnu ool daatte.

Daniel 6:25

Aria, amu dimppa King Darius nug nai laa huu ohppan danab ah, ɗo maɗoɗ ohppan danab ah, nai ohppan danab ah dilag ele inam yom. “Ag enanag, maɗoɗ ele daaglagnu ool daatte.

Lewitikas 1:5

Nug eppeg makau gaiɗ igippa mewowa, nug appa Yawe noobppa makau baag otaɗkkuoitte. Nug amu ha maleb, Aron bekkod, ag am mana mettak danab, ag geha tiig aon, Yawe mettanna, ag mettid haknu peh lag danab ah appa qagmetteb ele, ag lag amu odppa qaɗab daatte, ag qaɗab gigin waɗele ohppa tauɗ qettaglag.

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Mak 13:20

Anam daatte amunu, Naɗi Nug haen amu tutuib daakkunu, haen amu ii okkullo, danab ah oh padal melob, amge Kayak Nug danab ah nuhikkud tituanattom ele, Nug amu dilag dabma, haen tutu okkulkku.

Mak 13:22

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag ag hambuppualadkkulagnu hekkulag, amge elele iitta.

Mak 13:27

Da uɗien, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Aposel 15:18

Anukka Kayak Nug nai amu mattia aum, amu gemu ele Nug anamib atte.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aposel 20:32

Am gemu da ag Naɗi eppegppa maatte, nuhig ehanittak okkai hamu megatte, nai amu waappa daaglagnu ele aakku maadttem. Nuhig ehanittak hamu mekkak, amuam heeb, ag ɠagattag, amu keeke, aug bia, Kayak Nug oppiaawak danab madakkunu aum ele, ag amu oh aoglagnu elele.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Rom 11:2

Danab Kayak Nug anukka ag doyattom ele, Nug ag ii geɗattom. Amu Elaiyanu kaya Kayak naippa daatte amu ag amu iitai dootteb? Elaiya nug Kayak unuqittatta, Israel danab beɗulkadppa nai ya, inam aum.

Rom 11:28

Israel ag Jesusnu Nai Ena doon uuna, ag Kayaknu kekeɗ daatteb, amu ag iitta aɗi ag amuppa ehanittak aotteb, amge Kayak Nug anukka Israel ag tituanattom amu, Nug ag alalkad dilag dabmaama, Nug ag Israel, ahilagnu Nug oo mauhak ele dootte.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

Rom 16:19

Ag Rom danab ag Kayak oɗe dim lamidtteb amu, nai amu danab oh ag doon malappig daatteb amunu, da ahilagnu maɗoɗppan gamag ahak okkai doottem, amge da ag kobol enanu doyak dabmak ena ele dim lamidna kobol amu hena, kobol tutukku iittanu amu nakok laa ii helobnu ool okkai daatte.

Rom 16:26

Nai lokkumak dayom ele, amuam genab lokkumak dayom, amge gemu propet dilag yaakppa nai amu aakku miag atiom. Amu Kayak hanhan daatte ele, Nug a, danab iɗu iɗu oh, ag oolagppa genab dooglagnu, ag Nug oɗe dim lamidkkulagnu nai amu ig mehuqttem.

Rom 8:13

Aɗinu? Ag oolag alag dim lamidkkulag amu, ag mauhkkulag, amge ag Kayak Ouɗinu ɠagattagppa beɗunu kobol dimettan, ii dim lamidkkulag dayeb, ag bau daaglag.

Rom 8:33

Kayak nug danab ah tituanattom amu, aun laa nug ag hettoɗiakppa maadkku? Auntai, laa iitta. Aɗinu? Ag Jesusnu oolagppa genab dootteb amunu Kayak ahilagnu, “Genab tutukku hak danab,” aum.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

2 Korint 10:5

Ig a ona a doak nau kobol, amu kobol laa oh ele ag Kayak oɗe ii dim lamidtteb amu, ig kobol amu oh loppaɗttem. Amu ig dabmak oh maniguadta, dabmak oh amu Kristusnu dabmak aakkuib dim lamidkkunu hettem.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Duteronomi 7:6

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

2 Tesalonaika 2:13

Amge O ig lainkad ag, Naɗi Nug ahilagnu oo mauhtte amu, ig ahilagnu hanhan Kayak amegppa, “Ena heme,” aot akkunignab. Aɗinu? Kayak Nug digmakppanu ag eɗua diikkunu tituanattom; amu eɗua diiak amunu diig laa am Kayak Ouɗi Nug he, ag oppiaawak daatteb, diig laa am ag doyak diig genabibnu oolagppa genab dootteb.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 11:28

Moses nug Kayaknu ooppa genab doyom amunu, aqaknu engel nug Israel dilag nid danab tatamnu menuattak gukkuatta ii wamanu, nug Israel ele ag Pasowanu Hobul hena, ag sipsip tiilkad laulkad od uguppa tauɗ qedappig.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

1 Pita 1:14

Ag Kayak bekkod Nug oɗe dim lamidna oitteb bia, ag anamib oiyeg! Ag anukka kobol genab ii dooppig daanna, ag beɗu ahak ahilkad dim lamidppig amu, gemu ag anambia aib heppig.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

1 Pita 1:20

Kayak Nug wan imu, nuhig keeke oh ii beum haenppa Nug tituanom, amge dimppa gog tak haen gamag imuppaib Kayak me uɗia, ag ehanadkkunu miag atiom.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

2 Pita 1:2

Ag Kayak, amu Jesus Kristus, ihinig Naɗi, ahilahnu doyak ena aoppig amu, amuppa ahilah ehanittak okkai hamu mettak, amu ahilah maɗoɗ ele ahilagppa hanhan naɗi daaglahnu ool daatte.

2 Jon 1:1

Da Jon, da Kayaknu tamaniaknu ikki danab laa, da nai imu yaattem. Da na ah Kayak tituanittom, nahipad nid naunau ele, da ag oh ahilagnu yaattem. Doyak diig genabib ihinigppa daatte, haen oh ele daakku amunu, da genab ahilagnu ool mauhtte. Am daib iitta. Laa ag doyak diig genabib dootteb amu, ag ele amubia ahilagnu oolag mauhtte.

2 Jon 1:13

Da daattem imuppa, ah laa na nug ele am eappinag amu, Kayak Nug ah amu nuhig tituanom ele, nid nuhikkud ag na humidtteb.

Jut 1:2

Amu Kayaknu oo gai-iitta doya oo metta ehanittak kobol, nuhig maɗoɗ kobol, amu nuhig oo mauhak ele ahilagppa hanhan naɗi daaglagnu ool daatte.