1 Korint 9:7 - Nobonob Baibel

⁷ Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

1 Korint 9:7 ပူးပေါင်းရင်းမြစ်များ

Prowerb 27:18

Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

Prowerb 27:27

Laa amu, na anam hekkut dayeb, na meeme dilag huh huanak ele daappe, na, na baenadppa ele ag labeppeg, nahipad maɗi ah ag ele lakkulag.

Solomonnu Ahi 8:12

Anam, amge grep dad dahilnu ⌊amuam da meul oh,⌋ dad amuam da gamul Solomonnu aakkuib daatte, da amu oh nug medattem; grep dad nahip laa, O Solomon, amuam nahip, na 11.5 kilogram silwa appanu aokkut, amuam nahip, amu 2.3 kilogram silwa am laa ag dad amu gumatteb ele dilag. ⌊Amge dahil grep dad amu, dad amu ohnab am nahipib daatte.⌋

Aisaia 7:22

Am inam ele daakku. Doɗ amu ag mamelag huh huanak mettaglag amunu, danab amu nug huh amu awa, sis ha, sis lakku. Ge, anam daakku amunu, danab laippu laippu oh haen amuppa Juda wanppa daaglag amu, ag sis, uppuh leppu ele lakkulag.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Duteronomi 18:8

Am Israel danab ah ag mana mettak hekkulagnu doɗ keeke aon dona, mana mettak heppig, am maha attem am mana mettak danab aoglagnu daatte, nug amu lakkunu elele. Amu nug anig mameg aɗi, ag men doɗo keeke meppeg, nuhigppa uɗikku dayeb amu, amu ele nuhig daakku.

Duteronomi 20:6

Aun laa grep dad heme, amge na meu laa ii aon lame? Laa ii lame dayeb, na banppa mauhppe, laa ag lamananu, na eɗun aabppa gokkut!

1 Timoti 1:18

O da bekkal Timoti, da propet nai na aɗi aɗi hekkutnu tamaniak ag na medappig amunu dabmein, da na ban danab ag ena daanna ban hetteb, na amubia daanna, uɗat nahip amu attem pehettak hekkutnu mattiak nai imuppa na ippunidttem.

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.