1 Korint 9:5 - Nobonob Baibel

⁵ Amu da Kristen ah laa aoppi, uɗat hekkulnu oh oignihnu, totol danab laa, Naɗi laikkud laa oh, am Pita ele ag hetteb bia elele iittate?

1 Korint 9:5 ပူးပေါင်းရင်းမြစ်များ

Solomonnu Ahi 4:12

O ah dahil, na dahil ah daakkutnu awidmi. Na dahilib, dad laa, dad amunu aɗnu od lok qak daye, dad mameg nuhigib daatte, na amubia daattem. Genab, na dahilib, le qeppuɗia bak laa daye, le mameg, nugib ita laakkunu elele amu, na amubia daattem. Ao, na dahilib, le moɗ laa, mameg aakkuib appanu le itaknu elele, na amubia daattem.

Matyu 13:55

Nug am lag hak danab bekka! Ig doottem, Maria amu nug anig. Nug amakkud am Jems, Josep, Judas, Saimon ele.

Matyu 8:14

Maɗi nid amu ena daye amu, Jesus Nug Pita laugppa noa, Pita nome nug beɗu gakkaɗak oɗe ele niieye anttom.

Mak 1:30

Ag gona, lakka teegeg, ag Saimon nome nug beɗu gakkaɗak oɗe ele niieye, ag Jesus amegppa aeg, nug doyom.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Luk 6:15

Matyu, Tomas ele, amu Jems laa nug Alpius bekka. Amu Saimon laa, nug am Selot.

Luk 8:20

Ag uɗin daaegeg, danab laa nug Jesus amegppa aum. “Na anin, amapad ele ag na anidkkulagnu uɗin, dimittim daatteb,” awa aum.

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

Jon 2:12

Hobul amu male, Jesus Nug anig, amakkud, amu nuhikkud ippunittak awak danab ele ag Kaperneam appa nona, haen tutu daappig.

Aposel 1:14

Danab amu ag oh oolag laippu mena, haen kuɗum danab ah laala ele oh qagmena, unuqidnana daappig. Danab ah amuam Jesus anig Maria, Jesus amakkud amu ah laala ele.

Rom 16:1

Pibi, nug ah ena, ig hettem bia Jesusnu ooppa genab dootte, Senkria Kristen tamaniakppa toliak ah daatte amu, nug ahilagppa gokku amunu, da nuhignu, nug am ah ena doyeye, nug onig iikku diien ag ippunadttem.

1 Korint 1:12

Da nug mehqak kobolnu mattimi amu, da imunu ami. Ag oh ameg piɗe piɗe oppatna daanna, nai aeg ona aeg dotte. Ag anam henana amu, laa nug, “Da am Pol dim lamidttem,” awa aawo, laa nug, “Da Apolos dim lamidttem,” awa atte. Amu laa nug, “Da am Pita dim lamidttem,” awa aawo, laa nug, “Da am Kristus dim lamidttem,” awa atte.

1 Korint 7:15

Aria, danab nug ooppa genab ii dootte ele, nug ah nuhig uuidkkunu oo dayeb, ah nug danab amu aɗeb ewau daaglahnu aib wagai meum. Aria, danab nug ele anamib hekku. Laa nug Kristusnu ooppa genab dootte, nuhig ewau am ooppa genab ii dootte amu, Kayak nug laa, nug ooppa genab dootte ele, nug ewau daaglahnu wagai mekkunu ii aum. Iitta! Kayak Nug ag oolag maɗoɗ ele daaglagnu onilagppa eum.

1 Korint 7:39

Amu danab ah ewau matulpiɗ amu, ah nug danab amu bau dayeye, aa ouqak laippu daaglahnu aakkuib dabmekku. Amge nug gamu mauhkku amu, nug danab laa aokkunu am ib oo nak iitta. Nug danab laa aokkunu oo daatte, nug danab amu aokkunu elele. Am nai iitta, amge nug danab laa nug ele Jesusnu ooppa genab dootte aakkuib aokku.

1 Korint 7:7

Am danab oh ag da bia daaglagnu ool daatte. Amge danab oh ag anam daaglagnu elele iitta. Aɗinu? Kayak Nug nuhig oo mettakppa, nuhig keeke ena ena ahilag daakkunu hamu mettakppa amu, ag aɗi hekkulagnu anen anen mattom; Nug laa keeke ena ena laa hamu metta, laa amu, nug keeke ena ena laa nug hamu mettom.

1 Korint 7:8

Aria, nai imuam danab ah ewau matulak ii aoppig, amu ah qab ele dilag. Da ahilagnu inam attem. Ag da daattem anam daappeg amu nai iitta.

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

1 Timoti 3:2

Amunu laa nug Kristen tamaniak gumak ikki danab daakkunu, nuhigppa nai laa ii daakkuoitte. Nug ah laippu gamu aakkuib daya, nug atognoak oiya, nug nukka nuhig oiyak pehettak atognoak kobol haaha, laa nuhignu ena elele dooglagnu elele daya, nug ɗo danab dotteb ele atognoatta, nug danab ah ele nai ippunadkkunu elele daakkuoitte.

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.

1 Timoti 5:2

Ah kaino amu na aninnu doottem, amubia doonna ehanatte! Nid ahin bau amu, na appinmad bia doonna, kobol oppiakppaib ehanatte!

Taitus 1:6

Aun laa nug ikki danab daakku dayeb amu, nug Kayaknu neekkakppa ooppa kaliak laa iitta, nug ah laippuib gamu ele daakkuoitte. Ele amu, nug bekkod ag Jesusnu oolagppa genab doon, ag laa dilag neekkakppa kobol dubuttid ele, oɗe tappe nak kobol ele, ag amu ii hemananu daatteb. Na danab amubia na ikki danab anidna maadkkutnu elele.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.