1 Korint 9:26 - Nobonob Baibel

²⁶ Amunu da dakka qaiqaɗ gottem amu, da ugekke, eɗue laih laih neekkekke ii gottem. Iitta. Da amel amu tutukku neekki ukke, nob ena aokkulnu daatte amu andette gottem. Da danab laa nug eppeg bitakka, laa makkuɗkkunu he, eppeg nug etta, laih laih ukke, ulahib otte, amubia da ii hettem. Iitta. Da uɗat dahil tutukku hettem.

1 Korint 9:26 ပူးပေါင်းရင်းမြစ်များ

Matyu 11:12

Jonnu haen uɗie uɗie gemu ele Kayaknu ɗo maɗoɗ nug okkai mekkunu wagai mette, amu wagai mak danab ag ele Kayaknu ɗo maɗoɗ aɗaglagnu wagai metteb.

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

1 Korint 14:9

Amubia ag ele nai laalappa nai mattiglag dayeb amu, laa ag attemun geha ahilag nai amu dooglag? Iittanab! Nai ag mattiglag amu aun dookku? Laa iitta. Geha qettoɗkku.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

2 Korint 5:8

Amge da ami aakku, ig hab aabppanu beɗunig aognignu dabmak aottem. Ig ii aognignu amu ii dabmettem. Ig wan imuppanu beɗunigppa daagnignu am ena doottem, amge ig beɗunig imu uuidpput, Naɗi ele appanig diigppanab daagnignu amu, ig amunu enanag doottem.

Galesia 2:2

Kayak Nug da ippuniɗe, da aakku gomi. Da inam dabmemi. “Da ⌊Jerusalem tamaniak⌋ anuqak danab amelagppa, da iitta aɗi oolagppa Nai Ena mehuqttem amu da amunu ii akkul amu, uɗat da gemu hettem imu, uɗat tatam hemi ele amu, uɗat amu oh hamu ukka qettoɗkkutai.” Da anam dabmemi amunu, da ukkai, anuqak danab amu appa daappig ele, da ag akka aakkuib ele daatta, da amu ippunadmi.

Epesus 6:12

Aɗinu? Ig danab ele ban ii hettem. Iitta. Ig wan imuppan gatatu kobolnu ikki danab oh, danab gumaknu ehah ele oh, aria ɠagattag oh ele, ag am ouɗi nau ig danab ig amenigppa ag anadkkunignu elele iitta, ig ag ele ban hettem

Pilipai 1:21

Dabmak dahil amunu am inam. Da bau daakkul dayeb amu, da Kristus Nugib dim lamidkkulnu ool okkai daatte, o iitta da mauhkkul dayeb amu, geha da enanag, Kristus ele ouqeɗa daagnih.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

2 Timoti 2:5

Laa nug, nug eɗittaknu qaiqaɗ gotte amu, nug qaiqaɗ ukkaknu ɗoppa qaiqaɗ gotte. Am nug ɗoppa qaiqaɗ ii gotte amu, nug laa oh eɗidkkutai, amge ag nug eɗittaknu keeke ii medatteb.

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

2 Pita 1:10

Amunu, O lailad, Kayak Nug ag onilagppa ewa, ag tituanattom, diig amunu ag Nug dim lamidkkulagnu wagai meig! Aɗinu? Ag anam hena amu ag iinab nena qemana.

Ikki Danab 3:2

Amunu diig nakok laa am, Israel dilag danab ag ban nakok laa ii anidna dooppig ele amu, agib ag ban anidna dooglagnu ele Nug amu heum.