1 Korint 9:19 - Nobonob Baibel

¹⁹ Da danab laa nug he, maɗi nid nuhig ii daattem. Iitta! Amge da danab kuɗum eeɗadppi, ag Jesus dim lamidkkulagnu hettem amunu, da dakka danab oh dilag begbeg maɗi nid daakkulnu ool he daattem.

1 Korint 9:19 ပူးပေါင်းရင်းမြစ်များ

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Matyu 18:15

Amu laa ele, na layap nug nahipnu eheɗ heeb amu, na goppe, aa aya daayya, nuhig eheɗ hak amu ippunidkkut. Ippunidppe, nug nahip nai dookku amu, nug na layap daakku.

Rom 1:14

Amu Kayak Nug da Grik danab amu danab laala ele, danab doyak dabmak ena ele, danab dabmak iitta bia ele, ag oh ehanadkkulnu uɗat meɗe daattem

Rom 11:14

Da amu hettemnu diig am, kobol amuppa da heppi, danab da ele buɗub laippu, amuam Juda danab, da heppi, Juda danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, kobol amuppa Juda danab oolagppanu laala ag Kayak baekkudppa daaglagnu dokkulagtai.

Rom 15:2

Ig anen anen ig lainkad ag ena bekkulagnu ehanadta, ag geha ɠagattag aoglagnu daattem.

1 Korint 10:29

Amge ⌊da ami, amubia,⌋ da danab amunu ooppan oiyak ippunittaknu ulumnu attem; ahilagnu iitta. ⌊Amge ag oolagppanu laa nug inam akku.⌋ “Ehe, aɗinu da danab laanu ooppan oiyak ippunittaknu ulum nauhmanu dabmein, ee lakkulnu elele doottem ele amu, da ii lapa?

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 7:16

Ah na geha na danab nahip ehanidppe, nug oo eɗueb Kristen daakkute o iitta amu, na ii doottem. Aria danab na, geha na ah nahip ehanidppe, nug oo eɗueb Kristen daakkute o iitta amu na ele amu ii doottem.

1 Korint 9:1

Da heppi danab laa eheɗppa gomanu dabmettem amunu, ag da ɗo waappa dayeye hettem bia doottebte? Anam iitta, da ɗonu maɗi nid ii daattem. Da am totol danab. Da am ihinig Naɗi Jesus Kristus anidmi. Da Naɗinu uɗat laa hei, ag da uɗat hemippa ag iite Kristen beppig daatteb.

2 Korint 12:14

Aria, gemu da haen ewam batak ag gumatte gokkulnu hein bappaidttem. Da geha ukke, keeke ahilag amu ii aɗadpa. Doyeg! Da keeke ahilag aokkulnu ool ii daatte. Iitta. Da ag diiadkkulnu ool daatte. Ag dootteb, nid ag mamelkad anilkad ehanadkkulagnu keeke bappaidkkulagnu ii daatte. Iitta. Mamelkad anilkad ag nid ehanadkkulahnu keeke qagmetteb.

2 Korint 4:15

Kayaknu ehanittak okkai hamu megatte amu gemu danab kuɗum laala ahilagppa ambeebeb, ag Kayaknu, “Ena heme,” okkainab anana, ag Nug binag attan humaglagnu, keeke imu oh beum amu, ag ehanadkkunu beum.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

Galesia 5:1

Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

1 Timoti 4:16

Na nakka kobol na hettem, amu nai, na amu danab ah ippunadttem ele amu, na amu oh atognona dabmenana he! Na uug doyaya eɗittaknuib dabmak awak kobol dim lamidna, anam he! Aɗinu? Na anam hekkut amu, uɗat nahip amuppa na laa nahip nai dootteb, na nakka nahipnu ele, na ag oh ehanadppe, ag ib ii apiɗidmana.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

1 Pita 3:1

Amubia ah ag danab ele amu, ag gamulkad waalagppa daanna, kobol enaib heig! Ag anam hekkulagnu diig am inam. Danab ahilkad oolagppanu laala ag Kayak nai ii dim lamidtteb dayeb amu, danab amu ag waalkad ag Kayak pehettak binag mena daanna, kobol oppiak ele dim lamidna oitteb anidna, anttak amuppa, ah dilag nai mattiak iittappa, ag oolag eɗueb, oolagppa genab dooglagtai.