1 Korint 9:18 - Nobonob Baibel

¹⁸ da nob aɗi aokkul? Dahil nob ena amu inam. Da Nai Ena mehuqttem, uɗat amuppa da keeke da aokkulnu elele daattem amu, da ii awewe, da Nai Ena hamu nob laa iittappa mehuqe, danab madattem.

1 Korint 9:18 ပူးပေါင်းရင်းမြစ်များ

Jon 4:36

Am laa nug meu aotte amu, nug nuhig uɗat nob awawa, nug danab laala bauklel hanhannu aoglagnu ehanadtte. Ehanadtte amunu, ee eppak danab, amu meu awak danab ele aa oh oolah gamag ahakku.

Aposel 18:3

nug aa ele uɗat laippu amunu, nug aa ele daanna, ag oh uɗat amu heppig. Ag peh lag koitak uɗat heppig.

Rom 14:15

Aria, laa nug keeke laa lakkunu eheɗ dootte dayeb, amge na ee amu lattem amu, kobol nahip amuppa na heppe, na layap nug ooppa guittak dookku, na amunu dookkut, kobol amuppa na layapnu oot ii mauhtte. Amu Kristus Nug na layap amu eɗua aokkunu mauhom amunu, na nahip ee lanak kobolppa nuhig ooppa genab doyak aib heppe nauhom.

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 3:8

Aria ee eppak danab, le mettak danab ele, aa oh diig laippunu uɗat hettep, amge maɗi ahilah am anen anen. Kayak Nug maɗi ahilah antta, melemel amuppa nob ena matakku.

1 Korint 7:31

Danab ag wannu keekeppa uɗat hetteb amu, ag am, “Ig wanppan keeke imu ɠagattag ii aɗattem. Ig keeke laa ii aɗat, hamu daattem,” amubia dabmenan daaglag am ena. Ig doottem, geha wan imuam baolieb, gemu daatte amubia ii daama.

1 Korint 8:9

Amge keeke ag akka ahilag dabmakppa ag amu hekkulagnu elele dootteb amu, amuppa ag laala Kayaknu kobol oh ii dooppig ele amu, ag ag eeɗadppeg, hipunin ibppa gomananu ag dabmeig!

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

1 Korint 9:15

Ɗo anam daatte, amge da ɗo amuppa da keeke laa ii aomi. Amu da nai imu yaattem amu, da amuppa keeke aokkulnu ii hettem. Iittanab! Keeke da ehaniɗkkunu, keeke amu da dakka eppelppa hein aottem, amuppa da maɗoɗppan gamag ahak doottem, amu danab laa nug heeb, gamag ahak amu iitta melo am ena iittanab iitta. Am naunab. Da mauhlom am nau anam iitta. Da dahil gamag ahak doottem imu, danab laa nug gamag ahak dahil imu diig, amu dahilppanu aɗila aokkunu am ena iittanab.

1 Korint 9:17

Am da dakka dahil dabmakppanu ahe, uɗat imu heinnelob amu, da uɗatnu nob aolom. Amge da uɗat imu hettem ele, da dakka ain ii hettem. Iitta. Kayak Nug uɗat imu hekkulnu meɗom amunu,

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

1 Tesalonaika 2:6

Amu ele, ig danab noolagppa binanig aognignu ii hemut; ag noolagppa iitta, danab ah laa noolagppa ele iitta.