1 Korint 9:16 - Nobonob Baibel

¹⁶ Da Nai Ena mehuqttem ele amu, amuppa da dakka binal mekkulnu elele iitta. Aɗinu? Kayak Nug a, da hettem. Da ii mehuqlom amu, dahilnu gadonnab gadon.

1 Korint 9:16 ပူးပေါင်းရင်းမြစ်များ

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Jeremaia 1:17

Amunu, Jeremaia, na meut oh dahil uɗat hekkutnu babaitte! Da na aɗi ag amelagppa appenab dooglagnu ippunadppi, na amu aakku a! Na ahilagnu aib eheɗ nau baɗame. Na amu dilag eheɗ nau baɗakkut dayeb amu, da heppi, na ag noolagppa daanna, na eheɗ nau baɗakkut.

Jeremaia 20:7

⌊Jeremaia nug Yawe amegppa aum.⌋ “O Yawe, da nahip uɗat hekkulnu ɠagattag ame, amu da aakku hemi, gemu ele hettem. Ao, na da nahip uɗat hekkulnu wagai meme, amu da aakku nahip uɗat hemi, gemu ele hettem. Amu gemu danab ag dahilnu hanhan ihaklel doon, imiɗtteb. Ao, danab ah oh ag da aon aon iutteb.

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Amos 7:15

Amge Yawe Nug sipsip gumak uɗat dahilppanu awiɗa, Nug inam amelppa aum. ‘Na gona, Israel, dahilad danab ah, na ag amelagppa propet nai mattie!’ awa aum. Nug anam aum amunu, da uɗimi.

Matyu 25:16

Nug ukke, laa nug talent tanig ele awom amu, nug pahanab awa ukka, men doɗoppa uɗat haaha, talent tanig ele baula awom.

Luk 9:62

Nug anam aum, amge Jesus Nug amegppa aum. “Aun nug dahilnu oo aɗit ele amu, nug Kayaknu ɗo maɗoɗ ooppa daakkunu elele iitta,” awa aum.

Aposel 4:20

Aa anam awoya am baula tuɗidya apiɗ. “I amu oɗenih qamutkkunihnu ele iitta. Aɗinu? I keeke oh amenihppa anidɗa, nuhig nai doomuɗ ele amu, ib laa iitta, mehuqkkunihnab,” aoya apiɗ.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Aposel 9:6

Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

Rom 1:14

Amu Kayak Nug da Grik danab amu danab laala ele, danab doyak dabmak ena ele, danab dabmak iitta bia ele, ag oh ehanadkkulnu uɗat meɗe daattem

Rom 15:17

Amunu da Kristus Jesusnu dayeye, da uɗat heinne, da Kayak uɗat hettemnu amu da maɗoɗppan gamag ahak doottem.

Rom 4:2

Abraham nug ɗo dim lamittom, amuppa nug genab tutukku hak danab beum daakku amu, nug nukka nug onig humakkunu ib daakku; amge Kayaknu neekkakppa am anam ii daatte.

1 Korint 4:15

Ag Kristusnu daanna, ag ippunittak danab kuɗumnab ag ehanadkkulagnu diiglagtai. Ag diiglag dayeb am diiglag, amge amuam heeb, keeke laa ii baolima. Keeke ii baolikku, amuam da Jesusnu Nai Ena mehuqi, ag oolagppa genab dooppig amunu, daib ag mamelag daattem; ag mamelkad kuɗum iitta.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

1 Korint 9:14

Anam daatte bia Naɗi Nug ɗo imu ele meum. Danab ag Nai Ena mehuqtteb ele, danab amu ag danab ah Nai Ena dootteb ele, ag ahilagppanu enulag keeke, beɗulag ehanidkkunu, aoglag.

2 Korint 2:12

Anukka da Kristusnu Nai Ena mehuqkkulnu Troas tei, Naɗi Nug dahil ib amu od matulom,

Kolosi 4:17

Aria ag Arkipus amegppa, “Na uɗat Naɗi eppegppanu aome amu, na uɗat amu heppe gogppa taɗ!” aon appeg doyaɗ!

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.