1 Korint 9:13 - Nobonob Baibel

¹³ Ag imu iite dootteb? Danab ag Kayaknu mettid lakka uɗat hetteb ele, ag ahilag ee Kayaknu mettid lakkanu aotteb. Amu danab ag doɗ mana Kayak mettaknu uɗatnab hetteb ele, ag qaɗabppanu ee aotteb.

1 Korint 9:13 ပူးပေါင်းရင်းမြစ်များ

Lewitikas 21:22

Nug amu ii hema me, nug Kayaknu mana mettak hak, laa Kayaknu tituanak daatteb, laa Kayaknu, tituanaknab daatteb amu, nug amu lakku.

Lewitikas 22:7

Haen aam noobob amu, nug eɗua Kayak ele ouqa dayaknu elele daakku. Nug anam daya, nug ofa Kayaknu tituanak daatte ele amu, nug amu lakku. Aɗinu? Amuam ahilag ee aakku.

Lewitikas 6:26

Am mana mettak danab aun nug ib etta hipunin haknu ofa hekku amu, nug, ⌊mana mettak danab laa ele, ag⌋ mettid haknu peh lag danab ah appa qagmetteb ele, ag lag amunu haɗap-ppa appa daanna lakkulagoitte. Aben amuam Kayaknu tituanak daatte amunu, ag appa lakkulagoitte.

Lewitikas 7:31

Nug anam heeb, mana mettak danab nug ittag amu qaɗabppa manakku, amge momo amu Aron, bekkod ele dilag daakku.

Namba 18:31

Ag maha laippu Nug mettona, laih eblaih waɗele daatteb amu, ag, ag baelkadppa ele ag mettid haknu peh lag guguittak, appate, o iitta laulagppate, o iitta adeppa amu ag lakkulag. Amuam ag mettid haknu peh lag danab ah appa qagmetteb ele, ag amuppa uɗat hettebnu nob aakku amunu, ag mettid haknu peh lag guguittak appate, o iitta lakkate, o iitta adeppa amu, ag lakkulag.

Rom 6:16

Am ag imu iite dootteb? Haen ag beɗulag danab laa mettona, nuhig nai dim lamidna amu, ag aakku nuhig begbeg maɗi nid daatteb. Am ag eheɗ hak kobolnu begbeg maɗi nid daatteb dayeb, ag mauhak amuppa aoglag, o iitta ag Kayak oɗe dim lamittaknu kobolnu begbeg maɗi nid daatteb dayeb, ag genab tutukku hak danab daaglag.

1 Korint 10:18

Israel buɗub, danab amu ag hetteb, ag amu dabmekkulag. Israel ag doɗ main Kayak medatteb amu, ag amunu laih lanana, ag qaɗabppanu laih amu iite aotteb?

1 Korint 9:24

Danab ag qaiqaɗ gona, nug eɗid eɗid hetteb ele, ag oh qaiqaɗ gotteb, amge danab laippuib nug nob ena aotte, ag iite dootteb? Aria, ag ele qaiqaɗ gonana, laih laih aib neegppig. Iitta! Ag nob ena aoglagnu aakkuib dabmenana qaietteg!

Duteronomi 10:9

Diig amunu Israel dilag huu okkai oolagppa, Lewi buɗub ag wan laa ag aulag daakkunu ii mattak. Yawe, ahilag Kayak, Nug anam haknu aum bia, Nug nukka am ag aulag bia daatte.

1 Samuel 2:28

Haen amuppa da na alan anukkanu onig Aron, Israel dilag huu okkai ohppanu, da nug mana mettak danab daakkunu, nug dahil qaɗabppa dahil uɗat hekkunu, nug kalu danab ile muttuɗig enanag bette manakkunu, nug lamen enanag-epod tagakka, da noolppa oikkunu tituanmi. Amu aakkuib iitta. Da Aron buɗub oh ag mana mettak danab daaglagnu ain, da ag doɗ oh, Israel danab ah ag aab aɗunu ofa henana, manan da meɗaglagnu aon uɗitteb ele amu, da doɗ amu ohppanu teppu maha, ag Aron buɗub daatteb ele, da ag lakkulagnu maha amu mattami.