1 Korint 9:12 - Nobonob Baibel

¹² Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

1 Korint 9:12 ပူးပေါင်းရင်းမြစ်များ

Genesis 24:56

Aa anam apiɗ, amge maɗi nid nug aum. “Aa aib da qakkiɗpiɗ. Yawe da ehaniɗeɗe, da uɗat hekkulnu uɗimi amu, elele hemi amunu, aa hepeɗ, da okkai dahil toppa gokkulnu ool daatte,” awa aum.

Nehemaia 4:8

Ag oolag huana nauhe, ag qagmena, ag banenig uɗin heppeg, ig danab ah Jerusalem daattem ele ootot daagnignu maittak aoppig.

Luk 11:52

O gadonnab gadon, ag ɗo mehuqak danab doyak okkainab ele, ag dabmeig! Ag doyak awaknu ki amu maoeg ukkom. Od ag akka matulna ii noppig, amu ag danab ah ag nokkulagnu hetteb ele amu, ag nomananu, ag ib oo neppig,” awa aum.

Aposel 18:3

nug aa ele uɗat laippu amunu, nug aa ele daanna, ag oh uɗat amu heppig. Ag peh lag koitak uɗat heppig.

Rom 15:22

Da uɗat amu heinne daami amunu, da ag Rom daatteb, da ahilagppa gokkulnu dabmeiyi, haen kuɗum uɗat amu da okkuliɗom.

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

1 Korint 6:7

Amu ag lailkad ele nug hettoɗina, hettoɗiakppa maadtteb ele amu, amuppa ag nena qetteb. Ag oolagppanu laa nug layagppa eheɗ heeb, nug layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta. O ag oolagppanu laa nug layagnu keeke yab aweb amu, layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta.

1 Korint 9:14

Anam daatte bia Naɗi Nug ɗo imu ele meum. Danab ag Nai Ena mehuqtteb ele, danab amu ag danab ah Nai Ena dootteb ele, ag ahilagppanu enulag keeke, beɗulag ehanidkkunu, aoglag.

1 Korint 9:15

Ɗo anam daatte, amge da ɗo amuppa da keeke laa ii aomi. Amu da nai imu yaattem amu, da amuppa keeke aokkulnu ii hettem. Iittanab! Keeke da ehaniɗkkunu, keeke amu da dakka eppelppa hein aottem, amuppa da maɗoɗppan gamag ahak doottem, amu danab laa nug heeb, gamag ahak amu iitta melo am ena iittanab iitta. Am naunab. Da mauhlom am nau anam iitta. Da dahil gamag ahak doottem imu, danab laa nug gamag ahak dahil imu diig, amu dahilppanu aɗila aokkunu am ena iittanab.

1 Korint 9:16

Da Nai Ena mehuqttem ele amu, amuppa da dakka binal mekkulnu elele iitta. Aɗinu? Kayak Nug a, da hettem. Da ii mehuqlom amu, dahilnu gadonnab gadon.

1 Korint 9:18

da nob aɗi aokkul? Dahil nob ena amu inam. Da Nai Ena mehuqttem, uɗat amuppa da keeke da aokkulnu elele daattem amu, da ii awewe, da Nai Ena hamu nob laa iittappa mehuqe, danab madattem.

1 Korint 9:2

Am danab laala ag dahilnu, “Nug am totol danab iitta,” doottebtai o iittatai, da ii doottem, amge ag Korint daatteb ele, ag am anam dooglagnu elele iitta. Aɗinu? Da nai mattiyi, ag Jesusnu oolagppa genab dooppig amunu, da genab totol danab daattem doyaknu, ag amunu am epponak keeke bia daatteb.

2 Korint 11:12

Amge danab laala, ag akka onilagib humaglagnu oolag daatte amunu, ag danab amelagppaib mattin, kobol da hettem bianab ag hettebnu atteb, amge kobol amunu gaɗaib hetteb ele amu, da ahilag ib amu oo nekkulnu iikku uɗat heinne, da uɗat hettem bia anamib baubau hekkul.

2 Korint 11:20

Ao, danab laa nug ag nugib waappa daaglagnu atte dayeb, o nug keeke ahilag amu oh aotte dayeb, o nuhig hambuppuakppa ag diitte dayeb, o nug enaen ma duttunadtte dayeb, o nug eppeg oohap ta, hippelkad mataɗadtte amu, aria ag nuhig nai, nuhig kobol ele epeɗilob am ena, amge ag anam ii hetteb amunu, nug aakku anam hette.

2 Korint 2:12

Anukka da Kristusnu Nai Ena mehuqkkulnu Troas tei, Naɗi Nug dahil ib amu od matulom,

2 Korint 6:3

Ig uɗat imu hetata daattem amu, danab ag ig anigna, uɗat imunu eheɗ doomnanu amu ig oiyak ihinig atognotata, danab ag ib apiɗidna nena qekkulagnu kobol laa ii hettem.