1 Korint 8:9 - Nobonob Baibel

⁹ Amge keeke ag akka ahilag dabmakppa ag amu hekkulagnu elele dootteb amu, amuppa ag laala Kayaknu kobol oh ii dooppig ele amu, ag ag eeɗadppeg, hipunin ibppa gomananu ag dabmeig!

1 Korint 8:9 ပူးပေါင်းရင်းမြစ်များ

Aisaia 35:3

⌊Anam bekku amunu, ag dahil nai doon, Yawenu oolagppa genab dootteb ele,⌋ ag danab ah ag dabmak ahilagppa, “Ig ebehinig iitta,” doon, ag ahilag dabmakppa, “Ig am gai-iitta daattem,” ele doon oitteb amu, ag ag ehanadna,

Aisaia 57:14

Amu laa Nug ⌊Yawe oɗe awa, inam⌋ akku. “Ag ib babaitteg! Ag ib babaitteg! Ag dahilad danab ah eɗun, ahilag wanppa uɗiglagnu, ag ib oonaknu keeke oh heppeg iitta maɗ!” awa akku.

Esekiel 14:3

“Danab bekka, danab imu ag kayak hambuppuak dim lamadkkulagnu dabmak ag oolag unuqagppa meppig daatte. Ag amu hena, ag kayak hambuppuak dottolkad, amuam keeke nau, danab he na qette amu, ag amu noolagppa dup nona binalag metteb. Ag anam hetteb amunu, da nai laa ag madakkulnu am enate?

Esekiel 44:12

amge ag kayak hambuppuak noolagppa dup nona binalag menana, danab ah amu anam ele hekkulagnu ehanadppig, diig amunu Israel ag nena qena, hipunin heppig amunu, da Naɗi Yawe, da eppel hume, dahil nai ɠagattag qetten, ag hipunin heppig amunu, ag amunu bu aoglagnu ain malami.” Naɗi Yawe Nug anam atte.

Lewitikas 19:14

Am ag laa nug daug ituak ele, ag nug eheɗ laa awaknu anak waappa daakkunu aib appig. Ag aib laa nug ameg gaɗuak ele, nug noobppa keeke taataɗ qedakkunu meppig. Ag aib amu heppig, amge ag ahilag Kayaknu ebehilag oh bodoetta le maɗ! Da am Yawe.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

1 Korint 10:24

Danab laa nug nukka nuhignuib aib dabmeum. Iitta. Nug danab oh ag ena daaglagnu nug ag ehanattaɗ!

1 Korint 10:28

Amge danab laa nug ag amelagppa, “Ag doɗ teppu imu main kayak hambuppuak medappig,” ab, aria danab nug amelagppa aum amu, ag nuhig ooppan oiyak ippunittaknu ulum dabmena, doɗ amu aib lappig.

1 Korint 10:29

Amge ⌊da ami, amubia,⌋ da danab amunu ooppan oiyak ippunittaknu ulumnu attem; ahilagnu iitta. ⌊Amge ag oolagppanu laa nug inam akku.⌋ “Ehe, aɗinu da danab laanu ooppan oiyak ippunittaknu ulum nauhmanu dabmein, ee lakkulnu elele doottem ele amu, da ii lapa?

1 Korint 10:32

Ag Juda danab laa, Grik danab laa, amu Kayaknu Kristen tamaniak dilag laa ele kobol ahilagppa heppeg, ag nena qemananu, ag tutukku daan oiyeg!

1 Korint 8:10

Aɗinu? Na aun na doɗ teppu laa, danab ag teppu amu main kayak hambuppuak dottolkad madappig ele, na Kayak Nug na teppu amu lakkutnu am nau ii dootte, na doyak amu aon malame amu, na gona, kayak hambuppuaknu mettid lakka daana, ee amu lakkut dayeb, geha danab laa, nuhig ooppan oiyak ippunittaknu ulum am gai-iitta ele, nug na anidkku dayeb, doɗ teppu main, kayak hambuppuak dottolkad madappig ele, nug amu lakkunu dabmak awa lakku.

1 Korint 8:12

Antteg! Haen ag Kristen laala, ag oolagppan oiyak ippunittaknu ulum am gai-iitta, ag ahilagppa hipunin amu hena, ahilag ooppan oiyak ippunittaknu ulum heeg nauhtte amu, ag haen amuppa Kristus nuhigppa ele hipunin hetteb.

1 Korint 9:22

Amu da danab ɠagattag iitta oolagppa dayeye amu, da danab ɠagattag iitta bia daami. Da danab ɠagattag iitta amu diiadppig, ag Kristusnu oolagppa genab dooglagnu anam hemi. Da am danab oh ag ahilag kobol atten attenppa oitteb amu, da ag diilag amu awe, da ag oolagppan laa ehanatti padal ii memananu uɗat kuɗum heinne daattem.

2 Korint 11:21

Genab, ig am kobol danab amu ag hetteb bia ahilagppa laa iinab hemut amunu da, “Ig eheɗ hemut,” ii apa. Amge danab laa nug ɠagattag ma, nukka nuhigppa aɗi keeke onig humak medatte, nug amunu maditte amu, dahilppa ele anam daatte; da ele amunu madikkulnu elele. Gemu amu da dahil nai mattiak am danab nug Kayak dab-ii-maama ii dim lamidtte elenu nai mattiak bia madittem.

2 Korint 11:29

Am danab auntai laa nug ɠagattag iitta dootte amu, da ele ɠagattag iitta bia iite doottem. Am danab auntai laa nug laanu eeɗakppa hipuninppa na qette amu, da amunu oo nauhak okkainab iite doottem.

2 Korint 6:3

Ig uɗat imu hetata daattem amu, danab ag ig anigna, uɗat imunu eheɗ doomnanu amu ig oiyak ihinig atognotata, danab ag ib apiɗidna nena qekkulagnu kobol laa ii hettem.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Kolosi 2:8

Ag danab laa nug ag ulah nai, nai meu iitta ele amelagppa mattia hambuppualatteb, nug waappa daamnanu dabmeig! Danab kobol amu hetteb ele amu, ag mattiak ahilagppa alai aɗi dilag kobolnu, amu wan imuppan ɗo ɠagattag iitta ele, ag amunu maditteb. Kristusnu amu ag ii maditteb.

1 Pita 2:16

Amu ag danab uhuqak ena aon daatteb amunu, ag danab uhuqak aoppig bia oiyeg! Amge amuppa ag kobol nau lokkumna aib heppig. Ag Kayaknu kobol ena dim lamidnana, nuhig maɗi nid dayeg!

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.