1 Korint 8:4 - Nobonob Baibel

⁴ Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

1 Korint 8:4 ပူးပေါင်းရင်းမြစ်များ

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Aisaia 37:16

“O Yawe Nakka Ɠagattag Oh Ele, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Yawe, na aakkuib am wan ohppan Kayak daattem.

Aisaia 37:20

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Aisaia 41:24

Amge ⌊ag elele iitta⌋. Ag keeke ii daatte bia daatteb. Ag keeke laa hekkulagnu elele iittanab. Aun nug ag dim lamadkkunu dabmak awa dim lamadtte amu, Yawe Nug ⌊kobol amunu⌋ ooppa uuaknab dootte,” awa atte.

Aisaia 44:24

Yawe, Nug ag qagaiettakppanu eɗua uhuqaknu ehanittak daatte, Nug he, nid anig ooppa ena mette, amubia nug he, ag Israel ag huu laippu daatteb amu, Nug atte. “Da am Yawe, da keeke oh hemi. Da dakka da hab hemi. Da dakka da wan ele hemi.

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Aisaia 45:5

Da dakka aakkuib am Yawe! Kayak laa ii daatte. Na da ii dooiɗttem, amge da heppi, na ɠagattag daakkut.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Jeremaia 10:14

Danab ah oh ag kayak hambuppuak dottolkad noolagppa dup nona binalag metteb ele ag doyak dabmak ena ele iitta. Ao, keeke golppa hak danab ag kayak hambuppuak dottolkad bappaidtteb ele, ag uɗalag nekku. Aɗinu? Dottolkad ag hetteb ele, amuam keeke hamu. Ag kayak genab laa iitta. Dottolkad amu ag ulah eeɗnan, bau ii daatteb. Iitta.

Mak 12:29

Nug anam a amu Jesus Nug oɗeppa awa aum. “Ɗo anuqak am inam. ‘O Israel danab ah, ag daulag human doyeg! Naɗi Nug ihinig Kayak daatte; Nug nukka Kayak daatte.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 15:20

Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

Aposel 19:26

Amu danab laa onig Pol nug uɗia, danab ah ameg naɗi eeɗatta hambuppue, ahilag dabmak am kaboliak daatte. Ag amu ele anidna dootteb. Antteg, nug Epesus ippaib anam ii heum. Iitta! Nug Asia prowins imu ohppa bia oiyaya, nug anam heum. Nug inam atte. ‘Nigul, danab ag eppelagppa hetteb amu, amuam genab kayak iitta!’ Nug hanhan anam atte.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

1 Korint 8:10

Aɗinu? Na aun na doɗ teppu laa, danab ag teppu amu main kayak hambuppuak dottolkad madappig ele, na Kayak Nug na teppu amu lakkutnu am nau ii dootte, na doyak amu aon malame amu, na gona, kayak hambuppuaknu mettid lakka daana, ee amu lakkut dayeb, geha danab laa, nuhig ooppan oiyak ippunittaknu ulum am gai-iitta ele, nug na anidkku dayeb, doɗ teppu main, kayak hambuppuak dottolkad madappig ele, nug amu lakkunu dabmak awa lakku.

1 Korint 8:11

Na anam hekkut amu doyak nahip am danab laa, nug Kristusnu ooppa genab dootte amge ɠagattag iitta, Kristus nug danab amu eɗua aokkunu mauhom ele amu, nahip doyak he, ib eheɗppa gotte.

Galesia 4:8

Genab, anukka amu ag Kayak ii dooppig amunu, ag kayak bau iitta, keeke Kayak heum ele, ag amu dilag begbeg maɗi nid daappig,

Epesus 4:6

Kayak ele laippuib daatte. Nug am ig oh Mamenig. Nug danab oh dilag Okkai daatte, Nug danab ohppa nuhig uɗat hette amu, Nug danab oh oolagppa daatte.

Duteronomi 3:24

“O Naɗi Yawe, da nahip maɗi nid. Am na digmena, na onin ɠagattag ele, na ebehin ele ippuniɗme. Am kayak laa habnute, o wannute nug keeke na hettem, nug anam laa hekkunu elelete? Iitta!

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

Duteronomi 4:35

Ag Yawe, Nugib am Kayak, kayak laa ii daatte, ag amu dooglagnu Nug keeke amu ippuanatta he anidppig.

Duteronomi 4:39

Amunu ag imu dabmettanna, ahilag dabmakppa ɠagattag aɗeg! Yawe Nug am wanppan, habppan ele Kayak daatte, kayak laal iitta.

Duteronomi 6:4

O Israel danab ah, ag daulag human doyeg! Yawe Nug ihinig Kayak daatte; Nug nukka Kayak daatte.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

1 Timoti 2:5

Yo, Kayak laippu daatte, gamag danab ele laippu, Nug Kayak amu danab ele gamagppa daatte, danab amuam Kristus Jesus.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.