1 Korint 8:13 - Nobonob Baibel

¹³ Anam amunu da doɗ teppu ag main, kayak hambuppuak medappig ele, da amu lappi, kobol amunu da layal nug hipunin hekku dayeb amu, aria da doɗ teppu amu baula ii lapa. Da hanhan amu dimetten oippi ukkeb, wan haen iitta mekku. Aɗinu? Da heppi, layal nug hipunin hemanu dabmettem.

1 Korint 8:13 ပူးပေါင်းရင်းမြစ်များ

Matyu 17:27

amge ag oolag nauhmanu, Pita na gona, le amegppa huk ena, kakai tatam aokkut amu oɗe haqana, na men doɗo anidkkut. Anidna aon, ihinih takis amuppa hekkut,” awa aum.

Aposel 15:20

Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

Rom 14:13

Amunu ig lainkad laa dilag kobolnu amu ig ii epeɗiadmata. Iitta. Ig lainig laa hipuninppa na qemanu dabmeta, keeke laa ig hepput na qekkunu ii hematanu dabmetat oitu!

Rom 14:21

Amu kobol elele haknu am inam. Na doɗ teppu lappe, na layap nug na anitta na qekku dayeb, na aib doɗ teppu lame. Amu wainnu ele anam dayeb amu, na aib lame, o keeke laa ele anam dayeb amu na aib heme.

1 Korint 10:32

Ag Juda danab laa, Grik danab laa, amu Kayaknu Kristen tamaniak dilag laa ele kobol ahilagppa heppeg, ag nena qemananu, ag tutukku daan oiyeg!

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 13:5

Danab nug oo mauhak dootte ele, nug laa noolagppa dagom oitte, nug nukka nuhignuib ii dabmette. Nug paha oo nauhak ii dootte, nug laa ag nuhigppa eheɗ laa heppig, nug amunu tuɗid ii dabmette.

1 Korint 6:12

Da keeke oh hekkulnu ib daatte, amge keeke oh da ii ehaniɗtte. Ge, keeke oh da hekkulnu ib daatte, amge da keeke laan begbeg maɗi nid ii daapa.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

2 Korint 11:29

Am danab auntai laa nug ɠagattag iitta dootte amu, da ele ɠagattag iitta bia iite doottem. Am danab auntai laa nug laanu eeɗakppa hipuninppa na qette amu, da amunu oo nauhak okkainab iite doottem.

2 Korint 6:3

Ig uɗat imu hetata daattem amu, danab ag ig anigna, uɗat imunu eheɗ doomnanu amu ig oiyak ihinig atognotata, danab ag ib apiɗidna nena qekkulagnu kobol laa ii hettem.