1 Korint 8:12 - Nobonob Baibel

¹² Antteg! Haen ag Kristen laala, ag oolagppan oiyak ippunittaknu ulum am gai-iitta, ag ahilagppa hipunin amu hena, ahilag ooppan oiyak ippunittaknu ulum heeg nauhtte amu, ag haen amuppa Kristus nuhigppa ele hipunin hetteb.

1 Korint 8:12 ပူးပေါင်းရင်းမြစ်များ

Genesis 20:9

Baɗanna amu, Abimelek nug Abraham onigppa e uɗie, amegppa aum. “Na ihinignu aɗi heme? Da nahipnu eheɗ aɗi hemi amunu, na kobol imu he, da, dahilad daup ele, ig oh beɗunigppa aab okkai ele iikku daattem? Na keeke ii helom aakku heme.

Genesis 42:22

Ag akka akka anam anana amu, Ruben nug aum. “Da haen amuppa, ‘Ig amanigppa hipunin laa aib hemut,’ ami, amge ag dahil nai iinab dooppig. Aria, ig hemutnu nob amu, gemu ig aottem,” awa aum.

Eksodas 16:8

Aa anam awoya amu, Moses nug nai tuɗitta aum. “Yawe Nug ag nuhignu nai heegeg doyom amunu, Nug tueb ag teppu matteb lakkulag; buttua Nug ee laa matteb, ag labeppeg, ag oolag elele aokku. Yawe Nug ee anam matteb, ag Nug Isipnu omalatta, ippa uɗiom dooglag. Amge ag i amenihppa nai hena atteb amu attemu? I am keeke hamunab. Ag naittuɗ maknu nai maditteb amu, ag nai amuppa aakku Yawe yaatteb. Ag ihinihppa ii hetteb,” awa aum.

Eksodas 32:21

Moses nug anam ha mala, nug Aron amegppa aum. “Am danab ah ag nahipnu attem heeg, amu diig amunu na ag kobol eheɗ naunab amu hekkulagnu ae heppig?” awa aum.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Matyu 18:21

Jesus Nug nai amu mattia male amu, Pita nug Jesus gumitta doa aum. “Naɗi, da layal nug dahilppa hipunin heeb amu, da hipunin nuhig gane batak uhuqen medakkul? Da haen eblaih aɗit ele uhuqen medakkulte?” awa oɗ mettom.

Matyu 18:6

Danab laa nug nid nakok laa, nug dahilnu ooppa genab dootte ele, nug nuhig ooppa genab doyak heeb nauhkku dayeb amu, amuam naunab. Danab amunu amu, nug ii heum haenppa danab ag nug baagppa ee aeg ganuɗaknu men okkai qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 25:45

Appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa ii heppig amu, ag dahilppa ele ii heppig,’ awe akkul.

Mak 9:42

Danab laa nug nid nakok laa, nug dahilnu ooppa genab dootte ele, nug nuhig ooppa genab doyak heeb nauhkku dayeb amu, amuam naunab. Danab amunu amu, nug ii heum haenppa danab ag nug baagppa ee aeg ganuɗaknu men okkai qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Luk 17:2

Amu laa nug heeb, nid naunau imunu laippu laa nug hipuninppa na qeeb amu, danab he na qeum ele, laa ag nug ii heum haenppa nug baagppa ee aeg ganuɗaknu men qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Rom 14:20

Ag aib ee lanaknuib dabmena, Kayaknu uɗat heppeg nauhom. Am genab, ee oh am lanaknu epeɗiak daatte, amge na keeke laa lae, amu he, danab laa nug oo eeɗak doya na qette dayeb amu, na aakku kobol eheɗ hettem.

1 Korint 12:12

Ig danab beɗunig amu laippu, amge laih kuɗum daatte. Am beɗu laih kuɗum amu ag oh qagmeeg, beɗu laippu daatte. Kristusnu tamaniak ele nug anam aakku daatte.

1 Samuel 2:25

O nid aɗit, danab laa nug layagppa hipunin heeb amu, Kayak Nug aa oolahppa gamag danab daakkunu elele, amge danab laa nug Yawe, nuhigppa hipunin heeb amu, aun nug aa oolahppa gamag danab daakku?” awa aum. Eli nug nug bekoɗ amelahppa anam aum, amge aa mamelahnu nai ii dabmedapiɗ. Aɗinu? Yawe Nug heeb, aa beɗulah nauhkkulahnu dabmeum.

1 Samuel 24:11

O mama, antte! Gemu geha iikku da nahip lamen elab amu nob nakok otaɗe aomi iikku, amge da na ii nittai mauhme. Am na amu anidna, dabmena, geha na diig amuppa na oot maitteb dookkut; da na nidappi ii mauhmana! Iittanab! Laa amu, da nahip nai tabappi nekkunu, o nahip aben aokkulnu ii hettem. Da nahip-ppa keeke eheɗ laa ii hettem, amge na am da iuppe mauhkkulnu banel oittem.