1 Korint 8:1 - Nobonob Baibel

¹ Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

1 Korint 8:1 ပူးပေါင်းရင်းမြစ်များ

Aisaia 47:10

Ag nau hak kobol ahilag dimugppa, guppiɗ dimugppa dayak bia, ag anam daanna, ag, ‘Laa ii anigtte,’ adappig. Ahilag doyak dabmak ena ele, ahilag doyak ele am eheɗ dayaya he, ag ib ena apiɗidna, eheɗ gonana, ‘Igib danabnab daattem. Laa oh am hamu. Ig bia laa ii daatteb,’ appig.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Namba 25:2

Moap ah ag Israel danab ele niiona amu, ag danab amu gona, ag kayak hambuppuak ahilkadnu mana mettak hekkulagppa oh daaglagnu appig. Moap ah ag anam aeg, Israel danab ah kuɗum ag ele oh gona, ag appa ee lanana, kayak hambuppuak amu noolagppa dup nona binalag meppig.

Aposel 15:10

Ig anam anidttem, amge ag iitta aɗi ag Juda dilag ɗo oh dim lamidkkulagnu atteb, amuppa ag keeke uug ele aon, Kristen qaɗelagppa mena hetteb. Anukka ig mamenkad amu ig ele uug amu mawaknu amu elele iitta. Ag aɗinu Kayak ma anttak anam mettaglagnu hetteb.

Aposel 15:29

‘Ag doɗ, danab ag doɗ amu main kayak hambuppuak dottolkad madappig ele amu, ag doɗ amu teppu ii lamana. Ag doɗ tiig ele ii lamana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag gappai kobol ele ii hemana.’ Ag keeke amu oh tutukku dabmettan, ii hemana am ena. Aakkuib. Ag ena daaglagnu oonig daatte.” Ag anam yaappig.

Aposel 21:25

Amu iitta aɗi ag Jesusnu oolagppa genab doon, Kristen beppig daatteb ele, ag kobol aɗi ii hemananu amu ig anukka nai amu uɗugppa yaata, meut ukke, ag amunu dabmekkulagnu dooppig. Uɗug amuppa ig iitta aɗi ag doɗ, danab ag doɗ amu main kayak hambuppuak dottolkad madappig ele, ag doɗ amu teppu, doɗ tiig ele, amu danab ag doɗ muɗippa o eppelagppa baag aɗaeg mauhom, amu ele ii lamananu, ag gappai kobol ele ii hemananu yaamut.” Ag Pol amegppa anam appig.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Rom 14:10

Ig oh geha Kayaknu hettoɗiak abenppa daagnig amunu, na layap, nug Jesusnu ooppa genab dotte amu, na aɗinu nug epeɗittem? Aɗinu na layapnu keeke hamu bia doottem?

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

Rom 14:19

Amunu tamaniakppa ig kobol laala, ig kobol amu dim lamittutut, danab laa ele maɗoɗ daattem, amu kobol laala ig kobol amu dim lamidtutut, ig lainkad ele, ig oh ihinig ooppa genab doyak nug ɠagattag qedattem, ig kobol amuib dim lamidta hetu!

Rom 14:22

Na Kayak noobppa ee lanaknu aɗi ootppa genab doottem amu, na amu hekkutnu elele, amge danab oh nahip dabmak dim lamidkkulagnu aib heme. Danab laa nug keeke laanu ena dabmette, nuhig dabmak keeke amunu beɗuppa nai ii yaatte ele amu, nug itittak ena awom daatte.

Rom 14:3

Danab nug ee oh latte, nug danab doɗ teppu ii latte ele, nug nuhignu aib dabmak nau awom. Amu danab doɗ teppu ii latte, nug danab ee oh latte ele nuhignu, “Am hipunin hette,” anam aib dabmeum. Iitta. Kayak Nug danab amu nuhig daakkunu awom daatte.

Rom 15:14

O lailad, da dakka da ag haen oh kobol ena hetteb, ag dabmak ena okkainab aoppig, amu ag akka akka nug ippunittak hekkulagnu, da amu ohnu oolppa genab doottem.

1 Korint 1:5

⌊Amu da Kayak amegppa imunu ele, “Ena heme,” awe attem.⌋ Kristusnu nai ag dooppig ele ahilagppa ɠagattag eppe, Kayak Nug Kristus Jesus, nuhigppa he, ag Kayaknu ɗo maɗoɗppa uɗat oh hekkulagnu elelenab daatteb; amuam ahilag nai mattiakppa, ahilag doyakppa ele.

1 Korint 10:15

Ag doyak ele amunu, da ag amelagppa attem; dahil nai amu ahilag dabmakppa ag akka epeɗin antteg!

1 Korint 10:28

Amge danab laa nug ag amelagppa, “Ag doɗ teppu imu main kayak hambuppuak medappig,” ab, aria danab nug amelagppa aum amu, ag nuhig ooppan oiyak ippunittaknu ulum dabmena, doɗ amu aib lappig.

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

1 Korint 15:34

Ag dabmak tutukku aona, ag hipunin tuɗidna aib heppig! Ag oolagppan laala ag Kayak ii dootteb. Da nai madittem imu, ag amunu uɗalag nelo am ena.

1 Korint 4:10

Ig totol danab ig wan imuppan danab dilag neekkakppa, ig Kristus dim lamidttem amunu, ig am danab dabmak tutukku iitta ele, amge ag Korint danab ag ahilag dabmakppa, ag am Kristusnu daatteb, amuppa ag am danab doyak dabmak ena ele. Ig am danab ɠagattag iitta, ag am danab ɠagattag ele. Ig am binanig iitta, ag am binalag ele.

1 Korint 4:18

Da Timoti meppi ahilagppa gokku, amge dimppa da ele gumatte gokkul. Da tatam ii gomi, dimppa gokkul amunu ag oolagppa laala, “Nug eɗua ig gumikka ii uɗima,” anana, beɗuppa tak kobol hetteb.

1 Korint 4:6

O lailad, da ag ehanadppi, ag da Apolos ele, ag i anitna, kobol ihinihppa ag antte oo maittak laa anidna, nai laanu meu anidkkulagnu da nai mattimi. Nai laa ag amunu meu anidkkulagnu am inam. “Yaak niitte aakkuib ag dabmenan oiyeg!” Ag nai amunu diig dooglag dayeb, ag danab laa onig ii humana, laa onig tabappeg ii nema.

1 Korint 5:2

Kobol amu beum daatte amunu ag, “Ig am binanig ele,” akkulagnu genab elele iitta, amge ag anam atteb. Ag uɗa nak doolob am ena. Danab nug kobol amu heum ele amu, ag nug Kristen tamaniak ooppa daamanu geɗidppeg dimittim golo am ena.

1 Korint 5:6

Ag akka ag binalag metteb am ena iitta. Yis nakokib uɗat he, plaua oh titiɗtte, ag amu iite dootteb? Aria, kobol nau am yis bia daatteb.

1 Korint 8:2

Am danab laa nug nukka keeke laanu, “Da amu doyen malami,” atte amu, danab amu nug am doyak elele ii awom, hamu atte.

1 Korint 8:4

Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

1 Korint 8:7

Keeke amu anam daatte, amge danab laala ag doyak amu ii aoppig. Ag am anukka kayak hambuppuak dottolkad binalag hanhan madappig, amuppa ag gemu doɗ teppu amu lanaknu amu, ag, “Ig kayak hambuppuak binag mematanu, ig doɗ teppu imu, ag main kayak hambuppuak dottog medappig ele amu, ig ii lamata,” aon atteb. Laa anam dabmetteb, ag oolagppan oiyak ippunittaknu ulum am gai-iitta, aɗi am ena, aɗi am nau elelenab ii ippunadtte amunu, ag lalob amu, ag, “Ig eheɗ hettem,” doolob.

Epesus 4:16

Danab beɗunu laih kuɗum oh ag diɗippa tuɗittak daanna, ahilag uɗat anen anen pehettak heegeg, beɗu ena ɠagattag mette, amubia ig tamaniak ooppa daattem ele, ig ihinig ikki Kristus nuhigppa laippu daat, ig uɗat ihinig anen anen hetata, ig nug oo mauhakppa oitut, tamaniak ena, ɠagattag mette.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.

Revelesen 2:20

Amge eheɗ hak nahip laippu imunu da na amenppa iikku attem. Na ah Jesebel, nug nuhig haknu amu, na nug amegppa aib ii attem. Nug, ‘Da am propet ah,’ awa atte, amge nug anam ii daatte. Nug ippunittak hette, amuppa nug he, dahil maɗi nid ag gappai kobol hena, laa doɗ main kayak hambuppuak dottolkad madappig ele, ag doɗ amu ele latteb.