1 Korint 7:5 - Nobonob Baibel

⁵ Ag ewau matulak aoppig ele amu, ewau laa ooppa laa nug aib laa guhuɗitta, wagai ma nug beɗu hagakka awom. Amge aa Kayak unuqidkkulahnu heya, oolah laippu meya, haen tutu tituankkulah dayeb, haen amuppa aa nug ii aomya, amuam elele. Amge haen tutu amu maleb, aya aa ahilah oiyak pehettak atognoak kobol dim lamidkkulahnu elele iitta daamyanu, amuppa Satan aa gappai kobol hekkulahnu eeɗatmanu, aa eɗui, nug aoglah.

1 Korint 7:5 ပူးပေါင်းရင်းမြစ်များ

Eksodas 19:15

Moses nug inam amelagppa aum. “Ag laatu babaittaknab daaglagnu, ag amu henan dayeg! Ag beɗuppa wanak ele aib heppig,” awa aum.

Eksodas 21:10

Am danab nug ah laa, nug wau amge waunab iitta ele daakkunu daden meeb, oipeɗ ukkeb, ah bau laa wau daakkunu aokku dayeb amu, aria nug wau amge waunab iitta, nug ah amu ee medakkunu, lamen medakkunu, nug ele niikkunu am ii uuma. Iitta. Nug amu oh tuɗitta haɗ!

Joel 2:16

Ge, heppeg, danab ah ag qagmena, Yawenu tituana mettak dayeg! Ag heppeg, ikki danab ag uɗieg! Ge, heppeg, nid naunau, nid yuɗ ele oh uɗin dayeg! Danab nug ah aokkun daatte amu, nug laug oo nuhig uua, qagmakppa uɗiaɗ! Ao, ah nug danab aokkun daatte amu, nug dayak aben nuhig uua, nug ele qagmakppa uɗiaɗ!

Sekaraia 7:3

Ag Yawe amunu unuqidkkulagnu otiadna, laa am ag propet danab, Yawe Nukka Ɠagattag Oh Ele laugppanu mana mettak danab ele keeke laanu oɗ mattaglagnu ele maatteg uɗippig. Ag oɗ mattan inam akkulagnu appig. “Ig Betel amu, ig maɗ kuɗum uɗie uɗie, gemu ele ig deɗ kekeɗ ag Kayaknu Mettid lag heeg nauhom, ag amu kalam tanig eleppa heppig amu, deɗ amuppa ig mahiak hetata, ee ohnu kud meta daattem, amge ig amu tuɗitta hekkunig am enate, o iittate? Ag appeg doognignu oonig daatte,” appig.

Matyu 17:21

((Amge ib laappa laa nug ouɗi nau imubia ii lamidma. Iitta. Unuqittak, amu ee ohnu kud ma dayaknu ele amuppaib,” awa aum.))

Matyu 19:11

Ag anam aeg, Jesus Nug aum. “Danab oh ag nai ag madippig dim lamidkkulagnu elele iitta. Laala ag anam hekkulagnu ɠagattag aoppig ele, ag am hekkulag.

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

1 Korint 7:4

Amu diig amu, ah nug nukka nug beɗu ii gumatte. Iitta. Nuhig danab ele oh gumattep. Anamib, danab nug nukka nug beɗu ii gumatte. Iitta. Ah nuhig ele oh gumattep.

1 Tesalonaika 3:5

Amunu da baula hamu daakkulnu elele iitta oolppa doyena, da ahilag ooppa genab doyak anidkkulnu Timoti mei ukkom. Da oolppa uug doomi. Aɗinu? Da eheɗ haknu oo eeɗak danab nug ag eheɗ hekkulagnu eeɗatte, ag oolag eɗuomtai dabmemi. Anam dayeb amu uɗat ig hemut ele amu hamu daalo.