1 Korint 7:36 - Nobonob Baibel

³⁶ Amge danab laa nug ah makkun laa ele aa nug tituanyaib oiyya, aa ewau matulak ii aoya, ah amu nug nakok kaino mekkunu heebeb, danab amu nug, “Da ah amu nuhigppa ena ii hettem,” doyaya, aa ewau matulak aoglahnu oo huana dayeb amu, aa ewau matulak aweɗ! Danab nug anam hekku amu, nug amuppa hipunin ii hema. Aa ewau matulak aoglah am ena.

1 Korint 7:36 ပူးပေါင်းရင်းမြစ်များ

Jeremaia 29:6

Ag amu henan, danab ah ag ewau matulak aonna, ag nid danab, nid ah ele menunna, ag bekkalkad, aɗelkad amu, ag ele nid danab nid ah menuadkkulagnu, ag bekkalkad, aɗelkad dilag danab ah ele mattin anadppeg, ag ewau matulak aweg! Ag kuɗum appatna oiyeg! Agib anam daan, mauhadna laib laib anamib aib daappig.

Matyu 1:18

Anam amu, Jesus Kristus, nuhig menuaknu nai am inam. Josep nug Maria aokkunu baeg aɗaeg daye ukkom, amge aa ewau matulak ii aopiɗppa Maria nug Kayak Ouɗinu ɠagattagppa oo ele dayom.

Matyu 5:40

Aria, danab nug na hettoɗiakppa meitta, lamen nakok elab nahip aokkunu oo hekku dayeb amu, na saket ele mette!

1 Korint 7:35

Am da nai imu attem amu, ag ehanatteb ena daaglagnu attem. Nai imu da ag otaɗatte ii mattimi. Iitta! Ag Naɗi noobppa tutukku elele ena daaglagnu ool daatte amunu ami. Ag anam heppeg, geha keeke laa nug ahilag dabmak Naɗinu daatte amu ii eeɗma.

1 Korint 7:37

Amge danab laa nug amunu ii dabmaama, oo amuppa ɠagattag daatte, keeke laa nug ii duttuntte, nug nuhig dabmaknab awak dim lamidkkunu, nug amu aɗa oitte amu, nuhig ah makkun tituanak daatte amu ii aotte, ah nug anam hamu daatte, amu nug ele am ena hette.

1 Korint 7:9

Amge ag akka ag ahilag oiyak pehettak atognoak kobol dim lamidkkulagnu elele iitta daatteb dayeb, ag ewau matulak aweg! Aɗinu? Ag ewau matulak aoglag dayeb amuam nau iitta; ag ewau matulak ii aona, gappai hekkulagnu eeɗak nau dooglag dayeb, amuam nau.

1 Samuel 2:33

Amu na buɗunppan danab aun laa da uuppi, nug mana mettak danab daakku amu, nug uug huanaknab, oo doyak okkainab ele doyaya oiyebeb, ameg leb ele nekku. Amu na buɗunppan danab laa nug kaino mewowa ii mauhma; nug paha mauhkku.