1 Korint 7:33 - Nobonob Baibel

³³ Amge danab nug ah awom ele, nug amu wannu keeke dabmaama, nug wau aɗi keekenu oo hette amu, nug amu hekkunu hette.

1 Korint 7:33 ပူးပေါင်းရင်းမြစ်များ

Luk 12:22

Aria, Jesus Nug nuhikkud ippunittak awak danab amelagppa aum. “Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig.

Luk 14:20

Amu laa nug aum. ‘Ge da amu geha iikku ah aomi amunu, da gokkulnu elele iitta,’ awa aum.

Jon 10:13

Danab amu nug am uɗat nid amunu, nug ooltte. Nug sipsip pehettak dab-ii-madatte.

1 Korint 7:3

Amu danab beɗu amu nuhig ahnu keeke, am danab nug beɗu hagakka ii aoma. Anamib, ah nug beɗu am danabnu keeke, ah nug ele beɗu hagakka ii aoma.

1 Korint 7:32

Da ag keeke kuɗumnu uug ii doon oiglagnu ool daatte. Danab ah ii awom ele nug am Naɗinu keeke dabmaama, Naɗi Nug aɗi keekenu oo hette amu, nug amu hekkunu hette.

1 Korint 7:34

Aria, amuppa nug nuhig dabmak am laippu ii daatte, oppatak aɗit daatte. Ah danab iitta, am ah makkun o ah qab, nug Naɗinu keeke dabmaama, nug nug beɗuppa, nug ouɗippa ele nug Naɗiib dim lamidkkunu hette. Amge ah nug danab awom ele amu, nug wannu keeke dabmaama, nug gamu aɗi keekenu oo hette amu, nug amu hekkunu hette.

Kolosi 3:19

Amu ah gamulkad ag, ag waalkad dilag oolag mauhaɗ! Ag aib ɠagattag hadappig.

1 Timoti 5:8

Am danab laa, nug tiilag laippu daatteb ele amu, ag oolagppa nug nuhikkudnab anuqak dabmadatta, dimppa laa oh ele dabmadatta atognoadtte am ena, amge laa nug nuhikkudnab anam ii dabmadatta, ii atognoadtte amu, nuhig ooppa genab doyak am hambuppuak, nuhig eheɗ hak amu ooppa genab doyak iitta dilag eɗadtte.

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.