1 Korint 7:30 - Nobonob Baibel

³⁰ Aria, danab ag gaatteb amu, ag ii gaatteb, hamu daatteb, anam bia daaglag am ena. Danab ag gamalag ahatte amu, ag gamalag ii ahatte, hamu daatteb, anam bia daaglag am ena. Danab ag keeke daden mena aɗatteb amu, ag keeke laa ii aɗatteb, “Ig keeke iitta, hamu daattem,” bia doonna daaglag am ena.

1 Korint 7:30 ပူးပေါင်းရင်းမြစ်များ

Sam 30:5

Aɗinu? Nuhig oo nauhak am haen tutuib daatte, amge ii helo bia me, ehanittak kobol nuhig, kobol amuam danab ah nuhikkud bau daatteb, am haen amu oh anamib daatte! Danab ah ag tueb meeb gaappeg ukkeb, wagkkaɗkkutai, amge buttua amu, Nug ag gamag ahak madakku.

Eklisiastis 3:4

Danab ag gaanna daaglagnu haen daatte; danab ag imanna daaglagnu haen ele daatte. Danab ag mahiglagnu haen daatte; danab ag ahi goɗaglagnu haen ele daatte.

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

Aisaia 30:19

Amu danab ah ag Sion daaglag. Ge, ag Jerusalem appa daaglag. Amu ag ⌊Sion danab ah, ag Sion daatteb amu, ag appa⌋ daanna, ag baula ii gaamna. Ag Yawe unuqidppeg, Nug ahilag unuqittak amu doya, Nug oo bodoette enanag maɗoɗ ele hak kobol dim lamitta, ehanadkku. Nug unuqittak ahilag doya, pahanab, haen amuppanab Nug nob ena madakku.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Luk 6:21

Ag gemu enug aqatte ele, ag itittak ena aoppig daatteb. Aɗinu? Kayak Nug heeb, ag oolag didikku. Ag gemu oolagppa uug doon gaatteb ele amu, ag itittak ena aoppig daatteb. Aɗinu? Ag oolag gamag ahakku.

Luk 6:25

O gadonnab gadon ag danab ag gemu ee laeg, oolag diditte ele. Ag dabmeig! Aɗinu? Geha dimppa ag enug aqakku. O gadonnab gadon ag danab ag gemu imatteb ele. Ag dabmeig! Aɗinu? Geha dimppa ag uug doon gaappeg, amelag leb nekku.

Jon 16:22

Anamnab aakku. Gemu amu ag oolagppa oo doyak ele daatteb, amge da geha ag eɗue anadkkul, amu haen amuppa ag maɗoɗppan gamag ahak okkai dooglag. Amu laa nug ahilag maɗoɗppan gamag ahak amu qeeb nekkunu elele iitta,” awa aum.

1 Korint 7:29

Amunu O lailad da nai imu attem. Haen tutu meum amunu, haen gamag imuppa amu ag inam dooglagnu attem. Danab ag ah diippig ele, ag am ahilag dabmakppa, “Ig ah ele, amge ig ah iitta bia daagnig,” dabmenan daaglag am ena.

1 Korint 7:31

Danab ag wannu keekeppa uɗat hetteb amu, ag am, “Ig wanppan keeke imu ɠagattag ii aɗattem. Ig keeke laa ii aɗat, hamu daattem,” amubia dabmenan daaglag am ena. Ig doottem, geha wan imuam baolieb, gemu daatte amubia ii daama.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.