1 Korint 7:29 - Nobonob Baibel

²⁹ Amunu O lailad da nai imu attem. Haen tutu meum amunu, haen gamag imuppa amu ag inam dooglagnu attem. Danab ag ah diippig ele, ag am ahilag dabmakppa, “Ig ah ele, amge ig ah iitta bia daagnig,” dabmenan daaglag am ena.

1 Korint 7:29 ပူးပေါင်းရင်းမြစ်များ

2 Samuel 19:34

Dawit nug anam aum, amge Barsilai nug eɗua, nob ma aum. “O dahil king, da kaino memi. Da tuɗitte, haen elab wanppa ii daakkul amunu, da na ele Jerusalem teɗa daagnihnu am da ena ii doottem.

Eklisiastis 6:12

Aɗinu? Danab nug wanppa dayaya oitte, nuhig haen wanppa daakkunu am tutuib. Daya, gaɗappa, unuqagppa ele anttak laippu iittanu oiyak nuhigppa am aamppa danab itotog bia amunu, auntai laa nug danab laanu, nug nuhig wanppa oiyakppa nuhignu aɗi keeke am ena ab dookkunu elele? Auntai laa nug danab laa mauheb, aam waappa aɗi kobol nuhig mauhak dimppa bekkunu daatte akkunu elele? ⌊Anam amunu, nai nai mattiak kuɗum am meu iitta.⌋

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.

Luk 14:20

Amu laa nug aum. ‘Ge da amu geha iikku ah aomi amunu, da gokkulnu elele iitta,’ awa aum.

1 Korint 7:28

Amge na ah aokkut am nai iitta; am hipunin iitta. Aria, ah makkun nug danab aokku dayeb, ewau matulak amu ele am hipunin iitta. Amge danab ah ag ewau matulak aotteb amu, wanppan uug okkai iɗu iɗu daatteb amu, da uug amu ahilagppa ii bemanu ool daatte.

1 Korint 7:30

Aria, danab ag gaatteb amu, ag ii gaatteb, hamu daatteb, anam bia daaglag am ena. Danab ag gamalag ahatte amu, ag gamalag ii ahatte, hamu daatteb, anam bia daaglag am ena. Danab ag keeke daden mena aɗatteb amu, ag keeke laa ii aɗatteb, “Ig keeke iitta, hamu daattem,” bia doonna daaglag am ena.

1 Korint 7:31

Danab ag wannu keekeppa uɗat hetteb amu, ag am, “Ig wanppan keeke imu ɠagattag ii aɗattem. Ig keeke laa ii aɗat, hamu daattem,” amubia dabmenan daaglag am ena. Ig doottem, geha wan imuam baolieb, gemu daatte amubia ii daama.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

1 Jon 2:17

Wan amu wanppanu keeke, danab ag aoglagnu amelag qette ele amu, keeke amu oh ag iitta mekkulag, amge aun laa nug Kayak oɗe dim lamidtte amu, nug hanhan bau daakku.