1 Korint 7:25 - Nobonob Baibel

²⁵ Aria, oɗmak ahilag laanu amu, danab ah ag ewau matulak ii aoppig ele, ahilagnu amu Naɗi Nug ɗo laa da akkulnu ii ippuniɗom. Da dahil dabmak madittem, amge Naɗi Nug dahilnu oo gai-iitta doya oo meɗa ehaniɗa, Nug da tituaniɗom amunu, nai da attem imu ag amunu oolagppa genab dooglagnu am elele.

1 Korint 7:25 ပူးပေါင်းရင်းမြစ်များ

Sam 78:63

Aab aɗu keeke ewa nauhtte, amubia kekeɗ ag Israel dilag nid bau heeg mauhppig. Ao, ⌊diig amunu⌋ ah bau ag nid danab diiglagnu elele iitta.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

1 Korint 7:10

Am danab ah ag ewau matulppig ele, da amu dilag ɗo am iikku madattem, amge dahil ɗo iitta. Am Naɗi Jesusnu ɗo. Ɗo amu inam daatte. Ah nug nuhig danab ii uuidma.

1 Korint 7:12

Aria, ɗo imuam da dakka attem, Naɗi Jesus ii aum. Ɗo amuam inam. Ig lainig laa nug Kristusnu ooppa genab dootte dayeb, nug ah nuhig ele aa ewau daattep amu, ah nug Kristusnu ooppa genab ii dootte, amge ah nug aa ewau matulak daaglahnu oo daatte dayeb amu, ig lainig nug ewau matulak ahilah aib otaɗom.

1 Korint 7:28

Amge na ah aokkut am nai iitta; am hipunin iitta. Aria, ah makkun nug danab aokku dayeb, ewau matulak amu ele am hipunin iitta. Amge danab ah ag ewau matulak aotteb amu, wanppan uug okkai iɗu iɗu daatteb amu, da uug amu ahilagppa ii bemanu ool daatte.

1 Korint 7:34

Aria, amuppa nug nuhig dabmak am laippu ii daatte, oppatak aɗit daatte. Ah danab iitta, am ah makkun o ah qab, nug Naɗinu keeke dabmaama, nug nug beɗuppa, nug ouɗippa ele nug Naɗiib dim lamidkkunu hette. Amge ah nug danab awom ele amu, nug wannu keeke dabmaama, nug gamu aɗi keekenu oo hette amu, nug amu hekkunu hette.

1 Korint 7:40

Amge da dahil dabmak am inam. Nug danab laa awak uua, hamu daakku amu, nug gamag ahak aokku; amu gamag ahak amuam nug danab aolo, gamag ahalo, am gamag ahak amu eɗidkku. Amuam dahil dabmak, amge Kayak Ouɗi Nug ele anam maidtte bia doottem.

1 Korint 7:6

Da ɗo mein, “Ag nug aweg!” ii attem. Iitta! Ag anam hekkulagnu oolag dayeb amu, ag hekkulagnu elele aakkuib attem.

2 Korint 11:17

Nai imu da Naɗi oɗeppanu awe ii attem. Iitta. Da amunu ⌊appi, ag da tutukku aniɗna, dahil nainu genab doona dim lamidkkulagnu⌋ da dakka, danab nug Kayak dab-ii-maama ii dim lamidtte ele hette bia, da onil humak nai bia madikkulnu hettem.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.