1 Korint 7:21 - Nobonob Baibel

^21-22 Amu danab nug begbeg maɗi nid uɗat haaha dayeye, Naɗi nug onigppa eum amu, gemu Naɗi noobppa nug am begbeg maɗi nid iitta. Anamib, danab laa nug begbeg maɗi nid iitta dayeye, Naɗi nug onigppa e amu, gemu nug am Kristusnu begbeg maɗi nid daatte amunu, na begbeg maɗi nid uɗat heehe, Naɗi na oninppa eum dayeb amu, aria na begbeg maɗi nid daame, na amunu ootppa uug aib doome, amge na maɗi nid uɗat amu eɗun ii hemananu ib ena nahip dayeb amu, na keeke laa hekkutnu ukke!

1 Korint 7:21 ပူးပေါင်းရင်းမြစ်များ

Luk 12:29

Amu ag aɗi ee le ele lakkulagnu hik aib aqom. Ag keeke amubianu aib dabmak aqom.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

1 Korint 12:13

Kayak Ouɗi Nug he, ig oh beɗu laippu bia daattem. Laala am Juda danab, laala am iitta aɗi danab. Laala am begbeg maɗi nid, laala am begbeg maɗi nid iitta. Yo, ig oh Kayak Ouɗi Nugib aomut.

1 Korint 7:20

Danab anen anen Kayak Nug ag onilagppa eum amu, haen amuppa ag dayak atten ⌊Kayak maattom,⌋ ag amuppa daappig amu, ag amuppa dayeg!

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Pilipai 4:11

Da madittem imu amu, da keekenu tutu mein ii madittem. Iitta. Da am doyak inam aomi. Kobol iɗu iɗu dahilppa bette am keeke hamu, da ool keeke amu ohnu eleleib dootte.

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

1 Pita 5:7

Kayak ag gumatta atognoadtte amunu, ag uug ahilag oh amu Nug eppegppa meig!