1 Korint 6:8 - Nobonob Baibel

⁸ Amge ag anam ii hetteb. Ag akka akka Kristen lailkad dilagppa keeke yab aotteb. Ag akka akka Kristen lailkad dilagppa eheɗ hetteb. Ag anam henana, ag danab nau hetteb bia helob am ele ena iitta, amge ag naunab hetteb. Ag lailkad dilag, amuam Kristen laala, ahilagppa kobol nau amu hetteb.

1 Korint 6:8 ပူးပေါင်းရင်းမြစ်များ

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Maika 2:2

Danab amu, ag laa dilag wan amelag qe aolobnab dabmak eheɗ aon, ag wagai menan aotteb. Ao, danab amu, ag laanu lag amelag qe, wagai menan aotteb. Ag hambuppuak kobol, ib eheɗ amuppa danab laanu lag hamu aotteb. Ao, ag lailkad dilag aulkad, ag keeke amu ib eheɗppaib hamu aotteb.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Matyu 20:13

Ag anam aeg, amu dad mameg nug oɗelagppa awa, ag oolagppanu laippu laa amegppa nai inam aum. ‘Layal, da nahipnu eheɗ laa ii hemi. Da na ele uɗat nob dadennu oonih laippu iite memuɗ?

Mak 10:19

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na kobol hambuppuakppa keeke aib aome. Na mamen, anin ele binalah mate!” awa aum.

Kolosi 3:25

Amu danab nug eheɗ heum, nug geha eheɗ heumnu nob eheɗ aokku. Amu Kayak Nug danab oh melemel laippuppaib epeɗiadkku.

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.