1 Korint 6:13 - Nobonob Baibel

¹³ Ee nug ig oonignu daatte, ig oonig nug ee aokkun daatte, amge aa oh am gemunuib. Kayak heeb, aa oh iitta mekkulah. Aria, ee nug ig oonignu daatte, ig oonig ee aokkunu daatte, amge ig beɗunig amu, ig amuppa gappai hekkunignu ii daatte. Iitta. Ig beɗunig am Naɗinu keeke, amu Naɗi Nug ig beɗunig atognotte.

1 Korint 6:13 ပူးပေါင်းရင်းမြစ်များ

Matyu 15:17

Dimittimnu keeke, danab latte ele amu, nug danabnu dabmak abenppa ii gotte. Iitta. Nug danab biigppa ukke, nug biie gotte.

Matyu 15:20

keeke amu oh amu ag heeg, danab nug oo dubuttid ele daatte, amge danab laa nug eppeg ii ihowa ee latte amu, nug oo dubuttid ele ii daatte,” awa aum.

Mak 7:19

Aɗinu? Danab nug ee latte amu ee amu nug danabnu dabmak abenppa ii gotte. Iitta. Nug danab biigppa ukke, biie gotte,” awa aum. Jesus Nug anam aum amunu ig doottem. Ee oh lanaknu am enaib.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Jon 6:49

Ag mamelkad aɗi atu taɗakppa ee onig maana lappig ele amu, ag mauhppig.

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 6:12

Ag anam oiglagnu daatte amunu, ag heppeg, hipunin nug ag beɗulkad mauhtteb ele dilag okkai aib dayom. Hipunin nug ag beɗulkad dilag okkai daakku dayeb, ag beɗulkadnu eeɗak nau dim lamidna, eheɗ hekkulag, amge ag anam aib heppig.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

1 Korint 3:16

Ag am Kayaknu mettid lag, Kayak Ouɗi Nug ag oolagppa daatte amu, ag amu iite dootteb?

1 Korint 6:15

Ag beɗulag anen anen, am Kristus beɗu laih naunau kuɗum daatteb, ag amu iite dootteb? Aria, ig beɗunig anen anen am Kristus beɗu laih naunau kuɗum daatteb amunu, da Kristus beɗu laih nakok laa awen, ib baag ah ele laippu ouaqatkkul am enatai? Anam iittanab! Da anam ii hepa!

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

2 Korint 5:15

Nug danab oh abenlagppa mauhomnu diig am, Nug danab oh daatteb, ag akka ahilagnuib dabmena ii oimnanu heum. Iitta. Ag am laa, Nug danab ehanatta mauhe, Kayak he, Nug eɗua hibaittom amu, ag nuhignu dabmenana oiglag.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

Epesus 5:23

Aɗinu? Kristus Nug nuhig tamaniaknu ikki daatte, amubia danab nug ahnu ikki daatte. Tamaniak am Kristus beɗu bia daatte, amu Kristus Nug tamaniaknu eɗua awikkak danab daatte.