1 Korint 6:10 - Nobonob Baibel

¹⁰ o aun aɗi ag yabhak kobol hetteb, o aun aɗi ag baubau awaknu hik qak kobol dim lamidtteb, o aun aɗi ag le ɠagattag laeg, kaaka aqatte, o aun aɗi ag baeg qak nai maditteb, o aun aun aɗi ag nai ittag ele mattinna yabhoi hak danab daatteb amu, danab ah amu ag oh Kayaknu ɗo maɗoɗ ooppa ii daamna.

1 Korint 6:10 ပူးပေါင်းရင်းမြစ်များ

Prowerb 7:27

Nug laug am mauhak moɗppa ukkaknu ib. Ao, amuam ib, danab nug amuppa ukka, nug mauhkku.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Jeremaia 7:11

Ag amu hetteb amunu, lag imu, da onil lag imuppa daatte amu, lag imu ag heeg, yab danab naunab dilag lokkumak aben bia beum daatte. Anam daatte, amge da keeke ohnab ag hetteb, da aakku neekkadmi daattem.” ’ ” Yawe Nug anam aakku atte.

Esekiel 22:13

Amu Naɗi Yawe Nug atte. “Ag men doɗo keeke ag ii aolob kobol eheɗppa aotteb, ag oolagppa danab aqaeg mauhtteb ele amu, da amunu danab nug dabmak huanak awa, uug nau ele doya hette bia da eppel laihppa am eppel laih okkul.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Esekiel 22:29

Danab okkai, mana mettak danab, propet ele ag anam hetteb, amge hamu aabppan danab ag ele eheɗ hetteb. Hamu aabppan danab ag keeke lokkumakppa awaknu duttuna hak kobol dim lamidnana, ag danab hamu, ɠagattag iitta, ag, ag eppelagppanu men doɗo aotteb. Ag keeke yab aotteb. Ag daɗek danab amu laa ag keekenu tutu mak daatteb ele, ag amu dilag eheɗ hadatteb. Israel danab ah ag amu hena, ag wan laihnu danab ah ele eheɗ hattana, ag gona, hettoɗiakppa danab ah amu dilag uug bappaidkkulagnu nai doya mala hettoɗia epeɗia elele mettak kobol ii dim lamidtteb.

Matyu 21:19

Nug enug qe, ad fig laa ib daugppa dayeye antta, meu lakkunu waum, amge meu laa ii anttom. Iitta! Uɗugib anttom. Antta amu Nug ad amu amegppa inam aum. “Na baula meut iinab omana! Iittanab iitta,” awa aum. Anam a ad fig nug pahanab bunaɗom.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Jon 12:6

Judas nug anam awa aum, amge nug daɗek danab dilag dabma ii aum. Iitta. Nug ippunittak awak dilag men doɗonu kunup gumama yab aottom.

Aposel 20:32

Am gemu da ag Naɗi eppegppa maatte, nuhig ehanittak okkai hamu megatte, nai amu waappa daaglagnu ele aakku maadttem. Nuhig ehanittak hamu mekkak, amuam heeb, ag ɠagattag, amu keeke, aug bia, Kayak Nug oppiaawak danab madakkunu aum ele, ag amu oh aoglagnu elele.

1 Korint 15:50

O lailad, da ag amelagppa attem. Wanppan beɗu nug Kayaknu ɗo maɗoɗppa daakkunu elele iitta. Keeke beɗatte ele, amuam wanppan beɗu, amu keeke ii beɗatte ele, amuam Kayaknu ɗo maɗoɗ, amuppa daakkunu elele iitta.

1 Korint 5:11

Amge da nai aakku yaami, amu diig am inam. Danab laa nug ag ele Kristen tamaniak ooppa laippu laa daattenu atte, amge nug gappai kobol hette, o nug baubau awaknu hik qak kobol dim lamidtte, o nug kayak hambuppuak binag mette, o nug laanu baeg qak nai atte, o nug le ɠagattag la kaaka qette, o nug nai ittag ele mattiaya yabhoi hak danab daatte amu, ag Kristen danab ag danab anambia ele aib tamanippig; ag nug ele ouqak aibnab daappig.

Galesia 5:21

laanu ameg qe oo elele ii dayak kobol, le ɠagattag la kaaka qak kobol, goɗak qiɗ nau ele hak kobol, amu hak nau iɗu iɗu ele aakku daatte. Da anukka ag amelagppa ami, amu gemu baula ag amelagppa attem. Danab oh ag kobol amu hetteb amu, ag Kayaknu ɗo maɗoɗ ii aomna.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

Epesus 5:5

Aɗinu? Ag dootteb, gappai danab, danab nug ooppa oppiaawak iitta, amu baubau awaknu hik qak danab, danab amu nug kayak hambuppuak dim lamidtte, danab amunu laa nug Kayak, Kristus ele dilah ɗo maɗoɗ ooppa ii daama.

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

1 Pita 4:15

Ag Kristen daatteb amunu, ag oolagppanu laa nug duug wak danab, o iitta yabhok danab, o iitta kobol nau digdignu hak danab, o iitta laa nug laa dilag dabmak, maittak keeke ele hamu baolikkunu hak danab aib dayom. Ag kobol amu laa hekkulag amu, ag guittak aoglag amunu, ag guittak amu aomnanu ag kobol laa amubia aib heppig. Ag diig amunu guittak aib aoppig.