1 Korint 4:7 - Nobonob Baibel

⁷ Aun na danab okkai meittom? Keeke aɗi laa na Kayak nuhigppanu ii aome? Kayak Nug na keeke oh mettom amunu, aɗinu na binan mena, keeke amu diig daattem bia doottem?

1 Korint 4:7 ပူးပေါင်းရင်းမြစ်များ

Prowerb 2:6

Aɗinu? Yawe Nug doyak dabmak ena ele megatte. Ao, Nug oɗeppa ig doyak, amu diignu doyak tutukku ele aottem.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Luk 19:13

Nug anam dabmaama, aria nug nuhikkud maɗi nid eblaih tanig ele onilagppa ewowa, nug men doɗo onig mina laippu anen anen pania madatta amelagppa aum. ‘Ag imu tuɗidna, qagmebeppeg, da eɗue uɗippi meɗappeg aokkul,’ awa aum.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Jon 3:27

Anam aeg amu Jon oɗelagppa awa aum. “Kayak Nug hab aabppanu keeke laa danab eppegppa ii meeb amu, danab nug nukka nuhig dabmakppa keeke amu aokkunu elele iitta.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Rom 12:6

Kayak Nug ig anen anen uɗat laala hekkunignu ehah mekkom amunu, danab laa nug nuhig ehah am propet nai mehuqaknu daatte dayeb, nug ooppa genab doyak nuhig dim lamitta nai mehuqaɗ!

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 3:5

Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

1 Korint 5:6

Ag akka ag binalag metteb am ena iitta. Yis nakokib uɗat he, plaua oh titiɗtte, ag amu iite dootteb? Aria, kobol nau am yis bia daatteb.

1 Korint 7:7

Am danab oh ag da bia daaglagnu ool daatte. Amge danab oh ag anam daaglagnu elele iitta. Aɗinu? Kayak Nug nuhig oo mettakppa, nuhig keeke ena ena ahilag daakkunu hamu mettakppa amu, ag aɗi hekkulagnu anen anen mattom; Nug laa keeke ena ena laa hamu metta, laa amu, nug keeke ena ena laa nug hamu mettom.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

1 Pita 4:10

Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!