1 Korint 4:21 - Nobonob Baibel

²¹ Aria ag attemtai? Ag kobol ahilag ii bappaidppeg, da bu aɗe ahilagppa gokkulnu oolag daattete? O iitta ag eɗun ena heppeg, da oo mauhak kobol, kobol bodoettak eleppa gumatten gokkulnu oolag daattetai?

1 Korint 4:21 ပူးပေါင်းရင်းမြစ်များ

1 Korint 4:18

Da Timoti meppi ahilagppa gokku, amge dimppa da ele gumatte gokkul. Da tatam ii gomi, dimppa gokkul amunu ag oolagppa laala, “Nug eɗua ig gumikka ii uɗima,” anana, beɗuppa tak kobol hetteb.

1 Korint 5:5

aria danab amu nug beɗu nauhkkunu, amge nug ouɗi Naɗi Jesusnu deɗppa Padal ii maknu ehanittak aokkunu, ag danab amu aon, Satan eppegppa meig!

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

2 Korint 10:6

Ig Kayaknu ban haknu keeke aɗattem amunu, ag oolagppan aun aɗi ag ⌊Kristusnu⌋ nai dim lamidtteb tatam doota, dimppa amu ig nai tappe nak danab nob nau mattagnig.

2 Korint 10:8

Am Naɗi Nug ig ahilag ooppa genab doyak ɠagattag qettagnignu uɗat amunu ehah mekkom. Ig anam hepput, ahilag ooppa genab doyak na qekkunu ii mekkom amunu, da ehah amu onig okkai humattem dayeb amu, da uɗal ele ii nema. Da aɗi hekkulnu attem am da hekkul.

2 Korint 12:18

Da Taitus amu ig lainig imu ele aa oh maate, aa oh ahilagppa gokkulahnu amelahppa ami, am Taitus nug hambuppua, ahilag keeke laa aɗomte? Am nug da ele i Kayak Ouɗi laippu amu Nuhig ɠagattagppa i iite oittep? I ib laippuppaib iite oittep?

2 Korint 13:10

Gemu da ippa dayeye, da ahilag nai imu yaami amu, amunu diig am, da nai imu yaappi, ag anidna ebqena, ag da yaami bia keeke bappaidppeg, geha da goppi ag ele daatta amu, uɗatnu ɠagattag, Naɗi Nug da meɗom imuppa, da amuppa ag epeɗiadkkulnu uɗat laa ii daama. Nug ɠagattag da meɗom imu am, ahilag ooppa genab doyak amu ɠagattag qedakkunu meɗom. Da heppi, ag nena qekkulagnu ii meɗom.

2 Korint 13:2

Ag danab matu hipunin heppig, danab laa oh ele amu, da haen ebqak aɗit ahilagppa gomi, haen amuppa da ag ele oh daata, da kobol aɗi ag oolagppa hekkulnu amu aakku ai, ag dooppig. Aria, gemu ele da ippa dayeye, da am nai imu eɗue inam attem. Haen da baula eɗue ag gumatte ukke, da danab hipunin tatam heppig o iitta gemu hetteb amu, da nob madakkulnu ag ii uuadpa. Iitta!

2 Korint 2:1

Amunu da eɗue, ag gumatte ukke, nai dahilppa baula guittak madappi, ag oolag uug daamanu dabmein ii gomi.

2 Korint 2:3

Da nai matu ahilagnu yaami amu, da diig imunu yaami. Ag da maɗoɗppan gamag ahak meɗaglagnu daatteb, amge ⌊ag uug laala ii bappaidppeg da ahilagppa golom amu, da oolppa uug doolom amunu,⌋ haen da ukken, ag uug laala ii bappaidppig anttena, da oolppa uug doopanu nai amu yaami. Ahilagnu amu, da ag aɗi kobol tutukku hekkulagnu maɗoɗppan gamag ahak meɗatte dootteb amu, da ag ele amunu maɗoɗppan gamag ahak dootteb genab doomi.

2 Korint 3:10

Binag amahlak oppiaawak ele anukkanu am dimnu bia iitta. Dimnu binag amahlak oppiaawak ele, amuam laa tatamnu eɗittaknab; tatamnu am binag amahlak oppiaawak iitta bia daatte.

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

1 Tesalonaika 2:7

Ao genab, ig am Kristusnu totol danab amunu, ig ahilagppa ehanittak keeke aognignu elele dayom, amge ig anam ii hemut. Iitta. Ig oonig bodoette wagai ii mak kobol dim lamidta, ag oolagppa uɗat hemut; nid anig nug bekkod atognoadtte bia ahilagppa uɗat hemut.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.