1 Korint 4:2 - Nobonob Baibel

² Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

1 Korint 4:2 ပူးပေါင်းရင်းမြစ်များ

2 King 12:15

Amu Kayaknu mettid lag babaittaknu uɗat gumak danab ag laa uɗat heppig ele, ag ahilag uɗatnu nob men doɗo amuppa mattaegeg, laa ag ahilagnu genab elele dooglagnu elele amunu, ikki danab ag men doɗo amuppa uɗat aɗi laa heppignu oɗ laa ii meppig. Iitta.

2 King 22:7

Anam amge da doottem, laa ag uɗat gumak danab dilagnu genab elele dooglagnu elele amunu, uɗat gumak danab ag men doɗo amuppa aɗi aɗi uɗat hekkulag amu, ag mana mettak ikki danab amegppa ab dooglagnu uɗat laa ii daatte,” awa aum.

Prowerb 13:17

Nai awa ukkak danab nau nug uug he bette; amge nai awa ukkak danab, laa ag nuhignu genab elele dooglagnu elele, nug he, maɗoɗ bette.

Namba 12:7

Amge Moses, dahil maɗi nid amu, nug dahilad danab ah oolagppa oo metta ii uuak kobol elelenab dim lamidtte amunu, da nug amegppa ib anamppa nai ii madittem.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 25:23

Amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu, da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

1 Korint 4:1

Aria ag ihinignu inam dabmekkulag am ena. “Ag am Kristusnu maɗi nid, Kayaknu nai unuqag daatte amu, ag appeg doognignu daatteb. Ag amunu uɗat gumak danab daatteb.”

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

1 Korint 4:3

Danab laala ag da epeɗilkkulag dayeb, da amunu aɗi atteb amu, da amunu dabmak okkai ii aottem. Genab, da dakka da ele epeɗilkkul dayeb, amunu aɗi dabmak aottem amu, da amunu am genabnab dab-ii-mettem.

1 Korint 7:25

Aria, oɗmak ahilag laanu amu, danab ah ag ewau matulak ii aoppig ele, ahilagnu amu Naɗi Nug ɗo laa da akkulnu ii ippuniɗom. Da dahil dabmak madittem, amge Naɗi Nug dahilnu oo gai-iitta doya oo meɗa ehaniɗa, Nug da tituaniɗom amunu, nai da attem imu ag amunu oolagppa genab dooglagnu am elele.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

2 Korint 4:2

Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

Kolosi 1:7

Epapras, i lainihnab, nug am Kristusnu maɗi nid ena, ihinih uɗat laippu, nug i ehanita, Kristusnu uɗat hekkunu oo metta ii uuak kobolppa hette ele amu, nug ag Jesusnu Nai Ena ippuanatte, ag dooppig.

Kolosi 4:17

Aria ag Arkipus amegppa, “Na uɗat Naɗi eppegppanu aome amu, na uɗat amu heppe gogppa taɗ!” aon appeg doyaɗ!

Kolosi 4:7

Ig lainignab Tikikus, nug geha da attem daattem imu ohnu mattieb, ag dooglag. Nug am ig ele uɗat laippu, amu nug Naɗinu maɗi nid nug uɗat nuhig oo metta ii uuak kobolppa hette.