1 Korint 4:12 - Nobonob Baibel

¹² Keeke aognignu amu iikku eppenigppa uɗat naɗi hettem. Laa ag ig eheɗ laa awaknu anak waappa daagnignu nai mattieg, ig nai enappa ahilag nai nob meta itittak ena madattem. Ag ig eheɗ heikkegeg, ig amu maot oittem.

1 Korint 4:12 ပူးပေါင်းရင်းမြစ်များ

Matyu 5:11

Ag da dim lamiɗtteb amunu, haen danab ag amu dabmetteb, ag ahilagnu nai nau anana, ag eheɗ hattanna, nai hambuppuak kuɗumppa ag yaaladna hetteb ele amu, ag dahilad amu, ag itittak ena aoppig daatteb.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

Luk 6:28

Danab ag na eheɗ laa awaknu anak waappa daakkutnu appeg, ag dahilad amu, ag ahilagnu eɗun anam aib heppig. Iitta! Ag itittak ena matteg! Amu aun laala ag eheɗ hadatteb amu, ag Kayak ahilagnu unuqitteg!

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Aposel 18:3

nug aa ele uɗat laippu amunu, nug aa ele daanna, ag oh uɗat amu heppig. Ag peh lag koitak uɗat heppig.

Aposel 20:34

Ag aakku dootteb, da eppelppa uɗat hein, men doɗo awen, da keeke aɗinu tutu memi amu daden meinne, danab da ele uɗat hemut amu, da ag ele ehanadmi.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

Rom 12:14

Danab laa ag ahilagppa eheɗ heppeg amu, ag itittak ena ag matteg! Ao, ag itittak ena mattana, ag aib amu dilag, ag eheɗ laa awaknu anak waappa daaglagnu appig.

Rom 12:20

Aakku ag laa ag ahilagppa eheɗ heppeg, ag nob ii memana. Iitta. Ag Kayak naippa nai daatte, ag amubia hekkulag. Nai amuam inam. “Nahip kekeɗ enug qeeb, na ee mette! Ao, nug le baag diieb, na nug le mette! Na anam hekkut dayeb, na nug oo eɗukkunu ehanidkkut,” awa atte.

Rom 8:35

Ig Kristusnu oo mauhak ooppa daattem, amu aun nug amuppanu matakkikka aokku? Uug laate; o iitta oiyak ihinigppa keeke ig mawaknu uug doottem, amute; o iitta eheɗ heikkak, amute; o iitta enug haen, amute; o iitta keekenu tutu mak, amute; o iitta qagaiettak haen, amute; o iitta mauhak, amute, o amu oolagppan laa am Kristusnu oo mauhak ooppanu matakkikka aokkute? Iittanab!

1 Korint 9:6

Amu da Barnabas ele i iya ee le ele keeke aognihnu men doɗonu uɗat hekkunihte?

2 Korint 11:8

Da Kristen tamaniak laalappanu men doɗo aomi. Amuppa ag da ehaniɗeg, da ahilagppa uɗat hemi. Da anam hemi amunu, da tamaniak laappa, ahilag keeke hamu aɗadmi.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

1 Tesalonaika 2:9

Ao ig lainkad, ag ihinig uɗat okkai uug ele amu ag anidna dooppig. Ig tuqan amun ele eppenigppa uɗat hetata, ig Kayaknu Nai Ena ele mehuqmut. Aɗinu? Ig ahilag ee keeke hamu aopput, ag ihinignu oolagppa uug doomnanu ig anam hemut.

2 Tesalonaika 3:8

Ag ihinignu oolag uug qemanu ig amun tuqan ele ee aognignu uɗat ɠagattag hetata, ig danab laanu ee hamu ii lattamut. Iitta. Ig daden meta lamut.

1 Timoti 4:10

Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

1 Pita 3:14

amge na genab tutukku hak kobolib henana, diig amunu guittak aokkut dayeb amu, na aakku itittak ena aon daattem. Laa ag keekenu baɗatteb amu, ⌊ag Jesusnu oolagppa genab dootteb,⌋ ag amunu aib baɗappig; ag oolag aib ottaiom.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

1 Pita 4:19

Amunu danab ag Kayaknu dabmaknabppa guittak aotteb, ag akka ag beɗulag oh Kayak, ig heikkom, oo metta ii uuak kobol dim lamidtte ele amu, ag Nug eppegppa mena, tuɗidna kobol ena heig!

Jut 1:9

Ag anam hetteb, amge engel dilag ikki laa Maikel, nug am okkainab, laa nug kobol ag hetteb bia hekkunu elele daalo am nugbia, amge nug amu ii heum. Iitta. Nug kobol ena laa heum. Haen nug Satan ele, aa aun nug Moses gaɗa aokkunu panioɗya, nai aeh ona aeh do heya heya amu nug Satannu baeg qak nai laa mattiaya beɗuppa ii yom. Iitta. Nug inam aum. “Naɗi Nug na daut batakkunu ool daatte!” awa aum.