1 Korint 4:1 - Nobonob Baibel

¹ Aria ag ihinignu inam dabmekkulag am ena. “Ag am Kristusnu maɗi nid, Kayaknu nai unuqag daatte amu, ag appeg doognignu daatteb. Ag amunu uɗat gumak danab daatteb.”

1 Korint 4:1 ပူးပေါင်းရင်းမြစ်များ

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Mak 4:11

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laala, ag dahil nai dim ii lamidtteb, ag nai danab nug keeke danab ag dootteb ii dootteb ele ouaqata ippunadtte, nai amuppaib anidtteb.

Luk 1:2

Digmakppanu ukke batakppa danab ag keeke amu anidppig ele ag aeg doout yaappig. Ag am Nai Ena mehuqak danab daanna, nai amu aeg doomut.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Luk 8:10

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Rom 16:25

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte.

1 Korint 2:7

Amu nai ig mehuqttem ele, nai amuam Kayaknu doyak dabmak ena ele, nuhig dabmakppa daye, danab dilag neekkakppa miag atiak ii daya, lokkumak dayom ⌊uɗie, gemu batak⌋. Amu Kayak Nug wan ii beum haenppa, Nug nuhig doyak dabmak ena ele amuppa ig binag amahlak oppiaawak ele aognignu maittak awom daatte.

1 Korint 3:5

Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

1 Korint 4:13

Ag ihinignu baeg qak nai aeg, ig nai bodoettakppa ag amelagppa attem. Ig am wan ohppanu kinipan daatte, amubia daattem. Ao, ig danab oh dilag kinipan, amubia daattem. Ig anamib daaut uɗie, gemu ele daattem.

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

2 Korint 12:6

Genab, da dakka onil humakkulnu elele; da helom amu geha da danab nug Kayak dab-ii-maama ii dim lamidtte ele hette bia ii helom. Iitta. Da nai genabib mattilom. Amge da amu ii hettem. Aɗinu? Laa nug dahil kobol da hettem antta, nai da mehuqttem ele doyaya, amuppa aakkuib nug da tutukku dooiɗkkunu ool daatte.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

2 Korint 6:4

Iitta. Ig am Kayaknu maɗi nid daattem ippunadkkunignu amu, ig uug digdig bak haenppa ig ɠagattag daat, uug amu doot maot oittem, amuppa amu ippunadttem. Ig ihinig kobolppa qagaiettak haenppa, oo doyak haenppa, aolak haenppa, oikkak haenppa, maniguittak inikkak haenppa, lamikkak haenppa, uɗat naɗi ɠagattag hak haenppa, niiak elele iitta haenppa, amu enug iqak haenppa ele amu, ig haen amu oh ig ɠagattag daat, uug maottem amuppa amu ig am Kayaknu maɗi nid ippunadttem.

Epesus 1:9

Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.

Epesus 6:19

Ag da ehaniɗkkulagnu ele amu, ag Kayak Nug nai mattiak haenppa da oɗelppa nai meeb, da madikkulnu, amu Nug heeb, da baɗak iitta dayen, Kayaknu Nai Ena, tatam lokkumak dayom amu, da madikkulnu unuqitteg!

Kolosi 2:2

Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

Kolosi 4:3

Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

1 Timoti 3:6

Kristen bau nug enaen mak, ikki okkai kobol ele haaha, nug Satan na qa nob nau awom bia na qemanu, nug Kristen tamaniaknu gumaknu ikki aib dayom.

1 Timoti 3:9

Ag beɗulagppa aab iitta daanna, ag ooppa genab doyaknu nai unuqag ɠagattag aɗeg!

Taitus 1:7

Kristen tamaniaknu gumak ikki danab amu, nug Kayaknu uɗat gumatte amunu, nug Kayaknu neekkakppa ooppa kaliak laa iitta ele daakkuoitte. Nug beɗuppa tak danab aib dayom, nug oppoɗi paha aib beum, nug le ɠagattag huana aib laum, nug la guittak nau mauhnoak mettaknu tiigppa dayak danab aib dayom, amu nug men doɗo kuɗum awaknu hik aib qeum.

1 Pita 4:10

Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!