1 Korint 3:22 - Nobonob Baibel

²² Pol, Apolos, Sipas, onig laa Pita, aria wan imu, bau dayak, mauhak, keeke gemu daatteb, keeke dimppa bekkulag ele amu, keeke amu oh am ahilag,

1 Korint 3:22 ပူးပေါင်းရင်းမြစ်များ

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

1 Korint 1:12

Da nug mehqak kobolnu mattimi amu, da imunu ami. Ag oh ameg piɗe piɗe oppatna daanna, nai aeg ona aeg dotte. Ag anam henana amu, laa nug, “Da am Pol dim lamidttem,” awa aawo, laa nug, “Da Apolos dim lamidttem,” awa atte. Amu laa nug, “Da am Pita dim lamidttem,” awa aawo, laa nug, “Da am Kristus dim lamidttem,” awa atte.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

Pilipai 1:21

Dabmak dahil amunu am inam. Da bau daakkul dayeb amu, da Kristus Nugib dim lamidkkulnu ool okkai daatte, o iitta da mauhkkul dayeb amu, geha da enanag, Kristus ele ouqeɗa daagnih.