1 Korint 3:15 - Nobonob Baibel

¹⁵ Amge laa nug nuhig uɗat, lag ewa mala iitta mette amubia iitta mekku dayeb amu, nug am nob ena ii aoma. Nug am padal ii mema, amge nug am danab aab aɗuppa nauhkkunu miagnab dayaya, oola ukka, nauhak ii aotte, amubia padal ii mema.

1 Korint 3:15 ပူးပေါင်းရင်းမြစ်များ

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Sam 66:10

Am genab, O Kayak, na ma anttak ig mekkame. Ao, danab nug silwa babaitta epeɗia awak daakkunu uɗat hette, amubia ig enanag bekkunignu, na hee, uug ihinigppa beum.

Sam 66:12

Na uuikke, ihinkad kekeɗ ag ig ikkinkad tappaladppig. Ig danab ag aab ewak ooppa, o iitta le ui oowo, wana gotteb bia anam oimut. Anam, amge uɗat amu ohppa na daanna, amu gemu na ig omaigna, aben enanagppa uɗie daattem amunu, ⌊ig bau ena daattem. Ig neta ii qemut daattem⌋.

Amos 4:11

Yawe Nug anam ana amu, Nug ele atte. “Da hei, ag oolagppan laa ag Sodom, Gomora danab padal meppig, amubia padal meppig. Ge, ag am aab bau maha laa, danab nug aab maha amu ewebeb, eɗua aotte, tuɗitta ii eotte, ag amubia daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Sekaraia 3:2

Nug anam he, Yawe ⌊nuhig engel⌋ nug Satan amegppa aum. “Satan, ⌊na eheɗ hettem.⌋ Yawe Nug na daut bataɗ! Ao, Yawe, Nug Jerusalem tituanom amu, Nug na daut bataɗ! Danab imu, Josua, nug am ad maha laa aab aɗuppa dayeye, ii eomanu danab laa nug paha eppeg bahia aotte, nug amubia daatte.

Aposel 27:21

Anam dayeye, aria deɗ kuɗum ag ee ii lappig; baalag qetom. Amu dimppa anam daaegeg, Pol nug aha, hippaitta aum. “Danab ag da tatam nai ami dim lamidna Krit ii uulob, ig appa daalom am ena. Anamlob amu ig qagaiettak imu ii anidlom. Amu keeke oh padal ii melo,

Aposel 27:44

Aria, nug ele danab laala ag ilog mak ii doodppig ele ag uub aoɗom, ag amunu ad maha laippu laippu diin, maya mena gona eeɗkkulagnu aum. Amu ib amuppa danab oh ag enaib gona, yu ihippa teppig.

1 Pita 4:18

⌊Kayak nai atte, amubia.⌋ “Amu genab tutukku hak danab eɗua diiaknu uɗat am uug ele dayeb amu, Kayaknu nuhig haknu ele uuak danab, hipunin danab ele, attemnab ahilagppa bekku?”

2 Jon 1:8

Amu ag tamaniak ooppa daatteb ele, ag Kayaknu keeke aoglagnu uɗat heppig, amu laa amu ag heppeg, keeke amu iitta memanu dabmeig! Ag geha nob ena oh aoglagnu heig!

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!