1 Korint 2:9 - Nobonob Baibel

⁹ Kayak naippa, nai inam daatte. “Kayak Nug keeke ena ena, danab ag nuhignu oolag mauhtte ele madakkunu babaittom amu, keeke amuam danab laa nug amegppa ii anttom, daugppa ele ii doyom, dabmakppa ele ii beum. Keeke enanagnab.”

1 Korint 2:9 ပူးပေါင်းရင်းမြစ်များ

Sam 31:19

⌊O Yawe⌋ na danab ah ag nahipnu ebehilag oh bodoetta le mette ele, na amu dilagppa keeke ena ena ehanadkkutnu hena, bappaidna aɗattem. Yo, na danab ah ag padal mak eɗidna ena daaglagnu nahip-ppa uɗitteb ele, na amu dilagppa danab ah oh noolagppa kobol ena ena hettem.

Aisaia 64:4

Amu anukkanab, digmak haenppa uɗie, gemu ele auntai laa na heqonppa kayak laa dayaya, laa ag nug dim lamidtteb ele ehanadtte laa anttomte? Iitta! Laa anam ii daatte. Auntai laa kayak laa, nug laa ag nug dim lamidtteb ele ehanadtte, laa kayak amunu daugppa doyomte? Iitta! Laa iitta.

Aisaia 65:17

Yawe Nug atte. “Aɗinu ⌊am anam bekku⌋? Antteg! Da heppi, hab bau, wan bau ele daaglah. Tumainu keeke am laanu dabmakppa ii daama, laa nug amu dab iinab mema.

Matyu 20:23

Aa anam aeh, Jesus Nug amelahppa aum. “Genab, le mua ele da lakkul amu, aa lakkulah, amge aun nug da heqol naɗiap-ppa daakku, aun nug da heqol nanehppa daakku amu, da akkulnu elele iitta. Da mamel Nug aben aɗit amu aunnu babaittom amu, aa aakkuib amuppa daaglah,” awa aum.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.