1 Korint 2:13 - Nobonob Baibel

¹³ Amunu ig nai imu mehuqttem ele, ig wan danab laanu doyak dabmak ena ele aot ii mehuqttem. Iitta! Kayak Ouɗi Nug ig ippunikke, ig nai imu mehuqttem. Kayak Ouɗi Nug ippunikke, ig danab Kayak Ouɗi ele ag amelagppa Kayaknu dabmak amu mehuqttem.

1 Korint 2:13 ပူးပေါင်းရင်းမြစ်များ

Luk 12:12

Aɗinu? Am aua amuppaib geha Kayak Ouɗi Nug ag aɗi akkulagnu ag ippuanatteb, ag amelagppa mattiglag,” awa aum.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

1 Korint 1:17

Kristus Nug da danab layadkkulnu meiɗe ii uɗimi. Iitta. Da Nai Ena mehuqkkulnu he uɗimi. Amge da wan imuppan doyak danab nai maditteb bia, da nai ii mehuqmi. Am da nai anam, ag maditteb bia mehuqlom amu, Kristusnu ad emaitak am keeke hamu bia daalo amunu, da amubia ii hemi.

1 Korint 14:2

Aɗinu? Ig doottem, danab nug nai laappa nai maditte, nug danab ah ele nai ii madatte. Iitta. Danab ag nai amu ii dootteb amunu, nug Kayakib amegppa atte. Kayak Ouɗi he, nug Kayaknu dabmak lokkumak daatte, nug amu maditte.

1 Korint 2:1

O lailad, da anukka haen laa ahilagppa ukke, Kayak nai mehuqi dooppig, amge da nai laala enanag eleppa ag eeɗadkkulnu o iitta doyak dabmak ena ele okkainab, danab kuɗum ii dootteb eleppa, ii mehuqmi.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.

1 Korint 2:4

Da nai mattimi, da Nai Ena ele ag amelagppa mehuqmi, amge da wanppan doyak dabmak ena ele, dahil ɠagattagppa da ag amelagppa ii mehuqmi. Iitta. Da Kayak Ouɗi ahilagppa uɗat heeb anidkkulagnu, ib amuppa da nai mehuqen ippuanatti, Nug anam heum.

1 Korint 9:11

Aria, ig Ouɗinu keeke ag oolagppa eppamut amunu, beɗunig ehanittaknu keeke ag ig mekkaglagnu am ena iittate?

Epesus 5:19

Ag qagmena daana amu, ag sam, mettidnu ahi, amu Naɗi binag maknu ahi ele etteg! Ag oolkadppa Naɗi humidkkulagnu, ag ahiettak, amu ahi baag ele heig!

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

2 Pita 1:16

Ig kaya, hamu doyaknu am ittag qak ele, auntai laa nug nukka, nuhig dabmakppa he beppig amu, ig kaya amu laa aot, ihinig Naɗi Jesus Kristus, Nug wanppa uɗiom, Nug am ɠagattag ele, ig amunu ag amelagppa ii mattimut. Iitta. Ig amenigppanab, Nug am danab dagom onig ɠagattag ele anidmut, amu ig amunu ag amelagppa mattimut.