1 Korint 16:9 - Nobonob Baibel

⁹ Aɗinu? Kayak Nug dahil ib amu matu ma babaittom daatte am da uɗat naɗi, danab ah kuɗum ehanadppi, Kristen daaglagnu hettem. Amge kekeɗ ele kuɗum daatteb.

1 Korint 16:9 ပူးပေါင်းရင်းမြစ်များ

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

1 Korint 15:32

Danab mauhppig ele, ag eɗun ii hippaidlob amu, haen da Epesus daaiyi laala da Jesusnu nai mehuqttem diig amunu iuppeg mauhkkulnu heppig amu, uug amu mawak am diig iittanab. Danab mauhppig ele, ag eɗun ii hippaidmana, nai amu genab daalo amu ig, “Haen elab iitta ig mauhkkunig amunu, ig ee le ele aot latu!” dabmeta doolom.

2 Korint 1:6

Am ig uug maottem dayeb amu, uug mawak amunu diig am ag Korint ag ⌊Jesusnu nai doon⌋ ag oo mak aona, padal memananu ehanittak ele aoglagnu aakku daatte. Amge Kayak Nug ig oo mak megakkunu oonig aokku dayeb amu, amunu diig am ag Korint ag amu anidna, ag ele oo mak amu aona, amu ag ele uug ig maottem bia, ag tuɗidna uug doyaya eɗittaknuib dabmak awak kobol dim lamidna maon oiglagnu ɠagattag madatte.

2 Korint 2:12

Anukka da Kristusnu Nai Ena mehuqkkulnu Troas tei, Naɗi Nug dahil ib amu od matulom,

Pilipai 3:18

Aɗinu? Danab kuɗum laa, ag ig oittem bia ii oitteb. Da matu haen kuɗum ag amelagppa danab amunu ami, amubia gemu ele iikku aiyi, amel leb nette. Ag Kristus, Nug ad emaitakppa mauhom, ag dabmak amunu kekeɗab daatteb.

Kolosi 4:3

Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

Jems 5:16

Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.