1 Korint 16:13 - Nobonob Baibel

¹³ Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

1 Korint 16:13 ပူးပေါင်းရင်းမြစ်များ

2 Samuel 10:12

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

1 King 2:2

Dawit nug aum. “Da danab oh mauhtteb bia, da mauhkkulnu haen aakku miag daatte amunu, na gumak danab ena, ɠagattag ele daanna, uɗat nahip he!

1 Stori 19:13

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

1 Stori 28:10

⌊Amu Solomon, da bekkal,⌋ na daut human doye! Aɗinu? Yawe Nug na nuhig mettid lag nuhignu tituanak daakkunu hekkutnu tituanittom amunu, na ɠagattag daan, uɗat amu he!” Dawit nug anam aum.

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Sam 31:24

Ag aun aɗi ag ahilag dabmak oh Yawe toppa daatte, ag nuhig ehanittak aoglagnu dabmak aɗan oitteb ele amu, ag ɠagattag daan, ag oolag aib bodoettom.

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Daniel 10:19

Nug ɠagattag meɗe, ⌊danab da anidmi amu,⌋ nug aum. “O danab, na aib baɗame. Kayak Nug nahipnu ooppa enanag dootte. Na maɗoɗ, ɠagattag ele daye! Ge, na ɠagattag daye!” Nug nai anam da amelppa aawo, da ɠagattag awe, da ami. “O naɗi, na ɠagattag da meɗame amunu, na appe doyei!” awe ami.

Daniel 11:32

King nug Israel oolagppan laala, ag Kayak ele nug tituanna nai qagappig, ag nai amu ii dim lamidtteb ele, nug ag amelagppa oo eeɗaknu ittag nai madikku, amge laa ag Kayak genab dootteb ele amu, ag king amu ele laippu ii daan, nug ele kekeɗ mettaglag.

Hagai 2:4

Amge, O Serubabel, na ɠagattag daye! O Jehosadak bekka Josua, na mana mettak ikki danab daattem, na ɠagattag daye! Ag Israel wanppan danab ah, ag oh ɠagattag daan, uɗat heig! Aɗinu? Da ag ele daattem!” Yawe Nukka Ɠagattag Oh Ele, Nug anam atte.

Sekaraia 8:13

O Juda danab ah, Israel danab ah ele, wan laappan danab ag, ag laa nug eheɗ laa awaknu anak waappa daakkunu anana, ag, Juda danab ah, Israel danab ah ele ag eheɗ nau aoppig, amubia na ele eheɗ nau am awe! appig. Ag anam appig, amge da ag Juda danab ah, Israel danab ah ele ehanadppi, ag padal ii mena, enanag daappeg, wan laappan danab ag akka akka nug amegppa nai mattina, Juda danab ah, Israel danab ah ele ag itittak enanag aoppig bia, na ele amu awe! aon akkulag. Anam bekku amunu, ag ɠagattag dayeg! Ag aib baɗappig, Ag ahan, Kayaknu mettid lag babaitteg!” Yawe Nug anam atte.

Sekaraia 8:9

Amu Yawe Nukka Ɠagattag Oh Ele Nug inam atte. “Ag oolag ɠagattag qettan, ag da, Yawe Dakka Ɠagattag Oh Ele, ag da laul heppeg malaɗ! Serubabel nug digma, da laulnu men ukku meum, haen amuppa propet danab ag, ag aɗi hekkulagnu mattieg dooppig ele amu, gemu ag baula nai amu dootteb.

Matyu 25:13

Jesus Nug anam ana amu, Nug nai tuɗitta aum. “Anam daakku amunu, ag dabmenan dayeg! Aɗinu? Da eɗuen uɗikkulnu haen amu, ag deɗ, haen ele ii dootteb,” awa aum.

Matyu 26:41

Satan ag eeɗatteb eheɗppa gomananu ag dabmenan daanna, unuqitteg! Ag tutukku hekkulagnu dabmetteb, amge ag beɗulag am ɠagattag iitta,” awa aum.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

Galesia 5:1

Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Pilipai 4:1

Amunu O lailad, da ahilagnu ool mauhe, anadkkulnu ool daye, da ahilagnu dabmeinne, maɗoɗppan gamag ahak dooi, ittag ele iutte amu, ag da ami bia ag Naɗi toppa ɠagattag hippaidna dayeg!

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

Kolosi 4:2

Amu ag oh ag Kolosi daatteb amu, ag unuqittak hekkulagnu oolag mettan, ag unuqidnana, ag hamu aib heppig. Iitta. Ag dabmak ele unuqidkkulag, amu ag anam henana, ag Kayak amegppa, “Ena hen mekkame,” ele aon aig!

1 Tesalonaika 3:8

Aɗinu? Ag haen oh Naɗinu ɠagattagppaib oitteb, ig amu doota, ig eleleib daattem.

1 Tesalonaika 5:6

Amunu amu, ig laala niitteb bia aib niimut. Iitta. Ig haen oh dabmetata daatta, ikka ig ihinig oiyak pehettak atognoak kobol dim lamidta oitu!.

2 Tesalonaika 2:15

Amunu, O lainkad, ig oɗenigppate o iitta ig yaakppate nai ippunadmut amu, amuppa ag ɠagattag daana, pehettan aɗan dim lamitteg!

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

2 Timoti 4:5

Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,

Josua 1:18

Ig hepput, aun laa nug nahip haknunab nai tappeb nekku amu, nug mauhkku. Amge laippuib na hekkutnu daatte amu, na ɠagattag daanna, ootppa ɠagattag doye!” aon appig.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

Revelesen 16:15

Aakku, ouɗi nau ag gona, aben laa, Hibru naippa ag aben amunu Armagedon atteb, ag amuppa king qagmaadppig. Amu Naɗi Nug nuhig deɗ naɗinu inam atte. “Antteg! Da yabhok danab bia uɗittem amunu, danab laa nug beɗu miag dayeb, laa ag anidppeg, nug uɗa nemanu, danab nug maɗaɗ maama, nuhig lamen atognoawa daatte amu, nug itittak awom daatte,” awa atte.

1 Samuel 4:9

Ag anam akka akka mattiona amu, ag nai tuɗidna, akka akka inam ele madippig. “Amge ig Pilistia danab, ig ɠagattag daatu! Ig danabnab daatu! Iitta dayeb amu, Hibru danab umu ag eɗigppeg, ag ihinig maɗi nid daappig amu, ig amubia ahilag maɗi nid daagnig. Anam bemanu amu, ig danabnab daat, ig ban ɠagattag hetu!” aon appig.