1 Korint 16:11 - Nobonob Baibel

¹¹ Laa nug nuhignu keeke hamu bia dabmaama aib dimettom! Nug da gumiɗa uɗikkunu ag heppeg, nug ooppa maɗoɗ doyaya, aha uɗiaɗ! Da nug, lailad laa ele oh uɗiglagnu dabmen daattem.

1 Korint 16:11 ပူးပေါင်းရင်းမြစ်များ

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Aposel 15:3

Amu Kristen tamaniak ag heeg, ag ahan Ponisia, Samaria ele tikkun gonana, ag appan Kristen amelagppa, Kayak Nug he, iitta aɗi ag oolag eɗuom amunu amelagppa appig. Ag anam heegeg, Kristen amu ag maɗoɗppan gamag ahak okkai dooppig.

Aposel 15:33

Aa anam heyaya, nakok haen elab Antiok daayoya, aa eɗuya Jerusalem tamaniakppa gokkulahnu heeh, aa lailti Antioknu ag “Aa maɗoɗ ele enad ukkeɗ!” appig,

1 Korint 16:10

Timotinu amu, nug Naɗinu uɗat da hettem amubia hette ele amunu, nug ahilagppa ta dayebeb, ag tutukku dabmeppeg, nug geha oo maɗoɗ ele ag oolagppa dayaɗ!

1 Korint 16:6

Am geha da ag ele haen nakok tutuib ana daagnigtai, o iitta da ag ele daapput ukkeb, oug haen iitta meeb, dimppa da aab laappa gokkulnu hebippi, ag da omaiɗna gona, ibppa uuiɗkkulagtai.

2 Korint 1:16

Da inam dabmemi. Da ahilagppa tatam ukkena, da ag uuatten, Makedonia ukkoya, geha da Makedonia uuatte eɗue, ag gumatte goppi, ag da meiɗppeg, Juda gokkulnu dabmemi.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

Taitus 2:15

Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!

3 Jon 1:6

Amu dilag ag Kristen tamaniak amegppa na ahilagnu oot mauhak doottemnu ele madippig. Amu danab amu ag gokkulagnu hebeppeg amu, Kayak Nug na danab amu attem ehanadkkutnu oo daatte bia ehanadkkut am ena.