1 Korint 16:1 - Nobonob Baibel

¹ Gemu da ag men doɗo qagmena, Kayaknu danab ah oppiaawak ele mattaglagnu hetteb, da amunu akkulnu hettem. Da tatam Galesia Kristen tamaniak ib ippuanatti hetteb, amubia ag ele heig!

1 Korint 16:1 ပူးပေါင်းရင်းမြစ်များ

Aposel 11:28

Ag noeg, Kayak Ouɗi Nug propet laa onig Agabus ippunitte aha, geha enug haen naɗi Rom wan ohppa bekku, nug amunu nai mattiom. Amu dimppa Klodias nug king dayeye, haen amuppa enug haen amu beum.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 18:23

Amu Pol nug ukka Antiok noa, nug appa haen nakok elab dayowa amu dimppa nug aha, Galesia, amu Prigia ele dilah wan atu, nug appa aab laalappa ukka oiyaya, Kristen oh ɠagattag aqom.

Aposel 24:17

Amu da anam hein, maɗ laala da ukken, aab laalappa dayeye oiyeye, amu dimppa amu da eɗuen, da men doɗo Judanu daɗek madakkulnu amu doɗ manen Kayak medakkulnu Jerusalem temi.

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

1 Korint 11:34

Ag mauhnoak ee latteb amubia tuɗidna labeppeg, Kayak epeɗiak baubau mattamanu amu, laa nug enug qeeb nug nukka nug laugppa ee lanaɗ! Keeke laalanu da ag dim lamittaknu nai ag amelagppa akkulnu daatteb amu, dimppa da eɗue ahilagppa ukke, appa da madippi dooglag.

1 Korint 16:15

O lailad, ag Stepanas amu nug baekkudppanu ele, ag am prowins Akaia oolagppanu ag tatam Kristen bena, ag akka Kayaknu danab ah oppiaawak ele ehanadkkulagnu oolag daye, uɗat amu aoppig hetteb amu ag dootteb. Amu O lailad, da ag inam hekkulagnu ahilkad dabmak maɗedattem.

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

Galesia 1:2

Da lailad oh, da ele daattem ele, ig uɗug imu ag Kristen tamaniak Galesia appa daatteb, ahilagnu yaattem.

Galesia 2:10

Ig anam atata, ag i daɗek danab dilag tuɗidɗa dabmekkunihnu aakkuib appig. Keeke amunu amu, da ool huana hette, da amu hekkulnu da uɗat ɠagattag heinne daattem.

Pilemon 1:5

Aɗinu? Na Naɗi Jesusnu oot mauhe, nuhignu ootppa genab doon, na Kayaknu danab ah oppiaawak ele dilagnu oot mauhtte, da nai amu doyeye daattem.

Pilemon 1:7

O layal, na Kayaknu danab ah oppiaawak ele dilagnu oot mauhe ehanadna, ɠagattag aqame amunu, da maɗoɗppan gamag ahak, okkai oo ɠagattag qak ele nahipnu doottem.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.