1 Korint 15:8 - Nobonob Baibel

⁸ Aria, da am nid yuɗ anig dimnab menuom bia daaiyi, Kristus da gumiɗa uɗie anidmi.

1 Korint 15:8 ပူးပေါင်းရင်းမြစ်များ

Aposel 18:9

Amu deɗ laa tuqan Pol nug tulegleg laa antte, tulegleg amuppa Naɗi nug amegppa aum. “Da na ele daattep amunu, na aib baɗame! Na dahil nai appe doyeg! Oɗen aib qamutme! Danab laa nug ii nitteb guittak aokkut. Aɗinu? Dahilad danab ah kuɗum ag aab okkai imuppa daatteb,” awa aum.

Aposel 22:14

Nug anam a da ena neekki, nug da amelppa aum. ‘Ig mamelkad aɗi dilag Kayak, Nug na nuhig dabmaknab awak dookkutnu, na nuhig Genab Tutukku Hak Danab anidkkutnu, nuhig nai ele na dautppa dookkutnu tituanittom.

Aposel 22:18

Tuleglegppa da Naɗi anitti, Nug da amelppa aum. ‘Na paha ahan, Jerusalem uun ukke! Aɗinu? Na dahilnu nai ippa mehuqkkut amu, ag nai amu ii aomna,’ awa aum.

Aposel 22:6

Pol nug nai amu ana, nug nai tuɗitta aum. “Da ukken Damaskus guguitten ukkayi, aam ameg tutukku bia, haen amuppa laippun hab aabppanu amahlak okkainab na, da taliliɗa amahaliɗom.

Aposel 26:12

Da anam heiyi, deɗ laa mana mettak danab okkai ag da Damaskus gokkulnu pas laa yaan meɗappig. Pas amuppa ag da kobol hettami ele appa hekkulnu ag ahilag ehah oh da meɗan, amu haknu ɠagattag ele meɗaeg, da aakku gomi.

Aposel 26:16

Amge na ahan, hippaidna daye! Da na dahil maɗi nid daakkutnu, na dahilnu aɗi anidme, amu dimppa da na aɗi ippunidkkul, na amunu aɗi heehe anttomnu mattiak danab daanna, laala amelagppa madikkutnu aakku tituanidttem amunu da gumitten uɗimi.

Aposel 9:17

Amunu Ananias nug ukka, Saul dayom ele, lag amu ooppa noa, eppeg qaɗeppa ma, nug amegppa aum. “Lai Saul, Naɗi Jesus Nug na ibppa gumitta neum ele amu, Nug na eɗun bau neegkkutnu, Kayak Ouɗi na ootppa ambekku Nug aakku he, da na gumitten uɗimi,” awa aum.

1 Korint 9:1

Da heppi danab laa eheɗppa gomanu dabmettem amunu, ag da ɗo waappa dayeye hettem bia doottebte? Anam iitta, da ɗonu maɗi nid ii daattem. Da am totol danab. Da am ihinig Naɗi Jesus Kristus anidmi. Da Naɗinu uɗat laa hei, ag da uɗat hemippa ag iite Kristen beppig daatteb.