1 Korint 15:5 - Nobonob Baibel

⁵ Amu Nug Pita gumitta ukke antte, dimppa Nug nuhikkud ippunittak awak danab laa gumatta ukke anidppig.

1 Korint 15:5 ပူးပေါင်းရင်းမြစ်များ

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

Aposel 10:41

Danab oh ii anidppig. Iitta! Ig laala, ig Nug anidta, aɗi heehe anttomnu mattiak danab daagnignu, Kayak Nug ig tituanikkom ele amu, Nug ig gumikka uɗie anidmut. Nug hibaitte, dimppa ig Nug ele ee, le ele lamut.

1 Korint 1:12

Da nug mehqak kobolnu mattimi amu, da imunu ami. Ag oh ameg piɗe piɗe oppatna daanna, nai aeg ona aeg dotte. Ag anam henana amu, laa nug, “Da am Pol dim lamidttem,” awa aawo, laa nug, “Da Apolos dim lamidttem,” awa atte. Amu laa nug, “Da am Pita dim lamidttem,” awa aawo, laa nug, “Da am Kristus dim lamidttem,” awa atte.

1 Korint 3:22

Pol, Apolos, Sipas, onig laa Pita, aria wan imu, bau dayak, mauhak, keeke gemu daatteb, keeke dimppa bekkulag ele amu, keeke amu oh am ahilag,

1 Korint 9:5

Amu da Kristen ah laa aoppi, uɗat hekkulnu oh oignihnu, totol danab laa, Naɗi laikkud laa oh, am Pita ele ag hetteb bia elele iittate?