1 Korint 15:43 - Nobonob Baibel

⁴³ Beɗu ig boumttem amu, nug keeke binag ele iitta; beɗu Kayak he eɗua hippaidtte am binag amahlak oppiaawak ele. Beɗu ig boumttem, nug am ɠagattag iitta. Beɗu Kayak he eɗua hippaidtte amu, nug am ɠagattag.

1 Korint 15:43 ပူးပေါင်းရင်းမြစ်များ

Job 14:10

Adnu am anam, amge ig danab, ig mauhut, ig beɗunig balalppa aakku niitte. Ao, ig danab ah, ig hik aot autta awota, ig adeppa daattem?

Sam 102:23

⌊Da dabmemi,⌋ Yawe Nug ɠagattag dahil, bau dayak dahil imuagppa aɗila awom. Nug he, dahil bau dayak tutuib meum.

Daniel 12:1

Amu haen amuppa Maikel, nug engel naɗi, nug na, Daniel, nug nahipad danab ah ehanadtte amu, nug aha uɗikku. Haen nug aha uɗikku, haen amuppa uug naunab daakku. Uug amubia deɗ laa wanppa ii neum. Uug amu bekku, amge nahipad danab ah oh, onilag bukppa yaak daatte ele, ag oh ehanittak aon, ena daaglag.

Matyu 13:43

Haen amuppa amu genab tutukku hak aɗi, ag am Kayak bekkod, ag Mamelagnu ɗo maɗoɗ ooppa daanna, ag aam amahala miag atiak daatte bia miag atiak daaglag. Danab nug daug ele dayeb, nug doyaɗ!” awa aum.

Jon 8:49

Aeg am Jesus oɗelagppa awa aum. “Da oolppa hahail iitta. Da amu, da Mamel binag humattem, amge ag da binal qeeg nette.

1 Korint 6:14

Amu Kayak Nug nuhig ɠagattag amuppa he, Naɗi eɗua hibaittom. Am geha ihinigppa ele Nug anamib hekku; ig ele anam eɗut ahagnig.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

2 Korint 13:4

Genab, anukka Nug danab beɗu, danab beɗu gai-iitta daatte, amubia Nug beɗu am ɠagattag iitta, Nug danab beɗu awa daye amu, ag Nug ad emaitakppa atulppig, amge Kayaknu ɠagattagppa gemu Nug bau daatte. Amu ig ele danab beɗunig ele daattem amunu, ig ele ɠagattag iitta, amge Kayaknu ɠagattagppa ig Nug ele bau daattem amunu, geha ig nuhig ɠagattagppa ag oolagppa uɗat hepput, ag ehanittak aoglag.

Pilipai 3:10

Kristus, Nug mauhowa, Kayaknu ɠagattagppa eɗua hibaittom amu, da Nug, amu ɠagattag amu ele dookkulnunab hettem. Ele amu, Nug aɗi uug mawawa oiyom amu, da ele mawewe oikkulnu, Nug attem haaha mauhom amu, da ele anam mauhkkulnu ool daatte.

Kolosi 3:4

Amu Kristus, Nug am ihinig bauklel diig, haen Nug miag atikku amu, ag ele miag atippeg, Nug binag amahlak oppiaawak ele daatte, ag Nug ele binag amahlak oppiaawak amu ele daaglag.