1 Korint 15:42 - Nobonob Baibel

⁴² Anam amunu, danab mauhppig eɗun hippaidkkulag amu, kobol anamib aakku; ⌊beɗu dayom bia ii daama⌋. Beɗu ig boumttem am nauhtte; beɗu Kayak heeb eɗua hippaidkku amu, amuam ii nauhma.

1 Korint 15:42 ပူးပေါင်းရင်းမြစ်များ

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Job 17:14

da moɗnu, ‘Na da mamel,’ akkulnu aakkuib dabmettem dayeb, da mauhen, moɗppa niippi, gawat da beɗul heppeg nauhkkun daaglag, da gawat amunu, ‘Ag am da anil, appinalad ele,’ akkulnu aakkuib dabmettem dayeb amu,

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 49:14

Danab ah amu amu, ahilag gumak danab Mauhak, nug omalattebeb, ag sipsip mauhtteb bia mauhna, moɗppa gokkulag. Butti aɗi, Kayak Nug genab tutukku hak danab ah ehanattak haenppa amu, haen amuppa genab tutukku hak danab ah ag gumadkkulag. Danab ah amu ag mauhppeg, beɗulag moɗppa beɗakku. Ag laulkad ena ena amuppa ii daamna. Moɗ ahilkad amu, ag laulkad guguittak ii daamna.

Sam 49:9

Auntai laa layag ehanitteb, nug bau hanhan daakkunu elele iitta. Auntai laa layag ehanitteb, nug moɗppa ii nokkunu laa iitta.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Daniel 12:3

Laa ag doyak dabmak ena ele ag hab attan amahaltte, ag amubia amahalkkulag. Ge! Laa ag heeg, danab ah kuɗum ag kobol genab tutukku dim lamidtteb ele, ag hoɗoppai amahaltte bia amahalkkulag. Ge, laa ag heeg, danab ah kuɗum ag kobol tutukku dim lamidtteb ele, ag hoɗoppai amahaltteb bia hanhan amahalkkulag.

Matyu 13:43

Haen amuppa amu genab tutukku hak aɗi, ag am Kayak bekkod, ag Mamelagnu ɗo maɗoɗ ooppa daanna, ag aam amahala miag atiak daatte bia miag atiak daaglag. Danab nug daug ele dayeb, nug doyaɗ!” awa aum.

Aposel 2:27

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na Nug ii uuidmana amunu, Nug beɗu ii nauhma.

Aposel 2:31

amu ii nak haenppa nug dimppa Kayak Nug heeb, Kristus Nug mauhakppanu eɗua hippaidkku, mauhak abenppa ii daama, Nug beɗu ele ii nauhmanu aum.

Rom 1:23

ag Kayak ii mauhtte, Nug binag amahalak oppiaawak ele, ag Nug dimettan, baula Nug noobppa dup nona binag ii meppig. Ag baolina, danab mauhtte ele dottolkad, ai dottolkad, doɗ laala ele dottolkad, amu mat keeke dottolkad ele hattana, ag noolagppa dup nona binalag meppig.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Rom 8:21

Aɗinu? Kayak Nug geha keeke oh gemu ag nauhaknu hippalakppa daatteb ele, Nug ag amuppanu uhuqatteb, keeke amu oh ag ig Kayak bekkod, ag ig ele oh enanag beta daagnig.

1 Korint 15:41

Aam nug binag amahlak oppiaawak laa, kalam nug binag amahlak oppiaawak laa, amu hoɗoppai ag binag amahlak oppiaawak laa. Am hoɗoppai ag ele binag amahlak oppiaawak iɗu piɗe piɗe.

Galesia 6:8

Amubia danab laa nug beɗunu kobol haaha oitte amu, nug beɗu kobolnu meu nau, padal mak aokku. Amge danab nug Kayak Ouɗinu ehanittak awa aɗa, amuppa oiyaya, Ouɗi kobol amu dim lamitta oitte, Ouɗi Nug danab amu bauklel hanhannu metteb daakku.

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.