1 Korint 15:32 - Nobonob Baibel

³² Danab mauhppig ele, ag eɗun ii hippaidlob amu, haen da Epesus daaiyi laala da Jesusnu nai mehuqttem diig amunu iuppeg mauhkkulnu heppig amu, uug amu mawak am diig iittanab. Danab mauhppig ele, ag eɗun ii hippaidmana, nai amu genab daalo amu ig, “Haen elab iitta ig mauhkkunig amunu, ig ee le ele aot latu!” dabmeta doolom.

1 Korint 15:32 ပူးပေါင်းရင်းမြစ်များ

Job 35:3

Na Kayak amegppa inam attem. ‘Da hipunin ii hekkul dayeb amu, amuppa na ehanittak attem aokkut; kobol amuppa da aɗi keeke ena laa aokkul?’ aon attem.

Sam 73:13

⌊Anam amu, dabmak imu dahil dabmakppa beum. “Nau hak danab ag anam henan oitteb amge da,⌋ da hei, da ool am oppiak ele daatte amu, da genab hamu, meu iitta ele anam hemi. Ao, da kobol laa dubuttid ele hepanu, da dakka da awaitten oimi amu, da genab hamu, meu iitta ele anam hemi.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Eklisiastis 2:24

Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Luk 9:25

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku?

Aposel 18:19

Aria, ag gona Epesus tena, Pol nug ukka, Juda dilag nai doyak lakka no, Juda danab ag nug ele nai madippig. Nug ag ele nai mattin, ag nug amegppa appig. “Na haen nakok elab ig ele daatu!” aon appig amge nug aum. “Da anam hekkulnu elele ii doottem,” awa aum. Pol nug anam awowa, gokkunu haaha, nug ag amelagppa aum. “Kayak Nug dabmaknab amu awa ab amu, da eɗue uɗie anadkkul,” awa aum. Nug anam awowa, nug Prisila, Akwila ele aab okkai amuppa daaglahnu uuate daaeheh, nug uubppa ta, Epesusnu aha ukkom.

Aposel 19:1

Apolos nug Korint appa dayeye, haen amuppa Pol nug ukka, prowins yu ihippa ii daappig eleppa oiya oiya, nug Epesus ta, appa nug Kristen laala daaegeg anatta,

Rom 3:5

Amge kobol nau ihinig am heeb, Kayak Nug genab tutukku hak kobol aakkuib hette, nuhig kobol amu miag atieb amu, attemu? Ig aɗi akkunig? (Da ig danab ihinig dabmak dim lamitte madittem.) Ig, “Haen Kayak Nug ihinig eheɗ haknu bu megatte amu, Nug nai doya mala hettoɗia epeɗia elele mettak kobol ii dim lamidtte,” aot akkunigte?

Rom 6:19

Amu dabmak ahilag ɠagattagnab ii qeum amunu, da danab ihinig kobol laappa imu ippunadkkulnu heinne attem. Anukka ag genab tutukku hak kobol uuna, ag beɗulkad laih oh ag kobol dubuttid ele, ɗo tappe naknu kobol ele, ag amunu begbeg maɗi nid maadna, ag ɗo tappe nak kuɗum digdig, nau ahilag tuɗitta naunab gotte amu, ag kobol amu ele tuɗidna hekkulagnu heppig. Gemunu amu, ag oppiaawak danab bekkulagnu ag ag beɗulkad laih oh kobol tutukkunu begbeg maɗi nid maatteg!

1 Korint 16:8

Amge da Epesus daabppi ukkeb, Pentikos deɗ dokku.

Galesia 3:15

O lailad, gemu da ig danab ihinig kobol daatte amuppanu da antte oo maittak nai laa attem. Danab laa nug geha dimppa mauhkku amu, nug amunu dabma, nug enub oh bekkod aoglagnu nug nuhig dabmakppa elele otia, anen anen aɗi aoglagnu nug tituana nai qakkaknu uɗugppa yeeb, danab laa ele nai amu antta onig yeeb amu, danab laa nug nai amu ii qeeb nema; o laa nug nai amu baolia nai laa ii tuɗidma.

2 Pita 2:12

Amge hambuppuak ippunittak danab ag am keeke ii doottebnu dabittak nai maditteb. Ag am doɗ dabmak iitta ele daatteb bia daatteb. Ag am doɗ dakkuɗ ag aɗi aɗi hekkulagnu daatteb amu, ag dabmenan ii hetteb. Iitta. Ag hakib hetteb, amubia ippunittak danab hambuppuak imu ag anam hetteb. Ag am doɗ pelemppa aɗualadta, aqadkkunignuib menuattak bia daatteb. Ag geha doɗ dakkuɗ bia padal mekkulag.

Jut 1:10

Amge danab imu ag keeke ii dootteb ele, ag keeke amunu nai eheɗ atteb. Doɗ dakkuɗ ag dabmak aon, keeke ii hetteb; ag hak hetteb. Amu danab imu ag keeke ii dootteb ele, ag anam bia hetteb. Amu keeke ag anam hetteb ele amu, keeke amuam heeg, ag padal metteb.