1 Korint 15:19 - Nobonob Baibel

¹⁹ Ig Kristusnu oonigppa genab doota, ig Nug ehanigkkunu dabmak aɗat oittem ele amu, ig wan imuppaib nuhig ehanittak aognignu daattem daalo, amu ihinignu gadonnab.

1 Korint 15:19 ပူးပေါင်းရင်းမြစ်များ

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Eklisiastis 6:11

Nai mattiak huanak daatteppa amu, meu nakokib daatte; amunu kobol amuam auntai laa ii ehanidtte.

Eklisiastis 9:9

Wan imuppan dayakppa am dayak gaɗappa, unuqagppa ele anttak laippu iitta, amu Kayak Nug wan imuppa na haen gane bau daan oikkutnu tituanom amu, haen amu oh na ah nahip, na nuhignu oot mauhtte amu, na gamag ahak ele nug ele daayya oiyeɗ! Aɗinu? Kayak Nug na amu hekkutnu metta, aam waappa na uɗat heɗiag ele henan daakkutnu ele mettom.

Matyu 24:9

Anam amu haen amuppa laala ag ag aɗualadna, eheɗ hattanna, ag aqappeg mauhkkulag. Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Luk 8:14

Amu ee aeg wan uud keeke qaun ele beppigppa nena qeppig ele, nai amu inam ippunigtte. Danab amu ag nai dootteb, amge ag gona oiyegeg, wan imuppa uug laala, enub awaknu uɗat, amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

2 Timoti 2:4

Danab nug ban daup uɗat hette amu, nug wan imuppan uɗat laala ele ii aɗatte. Nug ban daup uɗat ena heebeb, ban daup ikki nug nuhig uɗatnu ena dookkunu aakkuib dabmette.

2 Timoti 3:12

Amu aun laa oh ag Kristus Jesusnu daanna, ag genab tutukku danab daaglagnu oolag daatte ele amu, ag eheɗ hettak aoglag.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.