1 Korint 14:6 - Nobonob Baibel

⁶ O lailad, nai imu ag tutukku dabmettan aɗeg! Da ag gumatte ukke, nai laalappa nai madakkul amu, da ag attem ehanadkkul? Iitta, amge da ukken, nai ag dootteb ele, da nai amuppa Kayak Nug da nai aɗi ag amelagppa akkulnu ippuniɗom appi dooglag dayeb, o iitta doyak ena laa appi dooglag dayeb, o iitta propet nai laa appi dooglag dayeb, o iitta da ippunittak nai laa appi dooglag dayeb amu, amuppa da ag ehanadppi, ag Kayak tutukku dooglag.

1 Korint 14:6 ပူးပေါင်းရင်းမြစ်များ

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Jeremaia 23:32

Genab, da propet hambuppuak, ag akka tulegleg hambuppuakppa keeke anidna, dimppa aɗi bekkunu nai maditteb, da amu dilag haknu eheɗ doyeye ool ii madattem. Ag tulegleg hambuppuak anidna, danab ah amelagppa mattinna, nai amuppa ag danab ah omalatteg, ib eheɗppa gotteb. Ag hambuppuak nau amu maditteb, amge da maadppi gokkulagnu onilagppa ii emi. Da ag amu hekkulagnu ii tituanadmi. Ag eheɗ heegeg, Juda danab ah ag ehanittak nakok laa iinab aotteb.” Yawe Nug anam awa atte.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Rom 15:14

O lailad, da dakka da ag haen oh kobol ena hetteb, ag dabmak ena okkainab aoppig, amu ag akka akka nug ippunittak hekkulagnu, da amu ohnu oolppa genab doottem.

Rom 16:17

O lailad, nai ag aoppig amu, danab laala ag nai amu tappaeg neene, ag heeg, tamaniak ooppa obatak obatak daatteb, danab ah dilag ooppa genab doyak ele kobolitteb amu, da ag Rom daatteb, da danab amu dilagnu dabmena autna aoglagnu dabmak ahilkad maɗedattem. Ag danab amu dilagnu awaidna, dekkaɗnana dayeg!

Rom 6:17

Ib aɗit amu oh daattep, amge ig ahilagnu Kayak amegppa, “Ena heme,” aot attem. Aɗinu? Anukka ag hipuninnu begbeg maɗi nid daappig, amge dimppa Kayaknu nai aon, ag nai amu dim lamidna autna aotteb.

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 14:1

Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!

1 Korint 14:7

Keeke bau iitta, amge oqotti otte amu, amuam dumuttum o iitta laia keeke, nug oqotti ena digdig ii heeb, danab ag ahi baag attem doolom?

2 Korint 11:6

Genabtai da nai mehuqak kobol am tutukkunab ii doottem, amge da am doyak aomi. Da haen oh, kobol dahil ohppa, da ag amu ippunadmi.

2 Korint 12:1

⌊Korint danab, ag beɗulagppa⌋ da dakka da danab nug nukka onig humak hette bia hekkulnunab daatte. Genab, onig humak kobol am ig ii ehanigtte, amge da tuleglegppa keeke lokkumak laala, Naɗi Nug da amelppa miag atiom amu, da amunu ele madikkulnu iikku hettem.

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

Epesus 1:17

ihinig Naɗi Jesus Kristusnu Kayak, Nug am ig Mamenig, Nug binag amahlak oppiaawak ele, Nug ag Ouɗi matteb, ag nuhig nainu diig, Kayak ele tutukku dooglagnu ool dayeye unuqidttem.

Epesus 3:4

Aria, ag nai imu ebqenana amu, ag da Kristusnu dabmak lokkumak dayom, ag amunu dabmak da aottem ele, ag amu oh doona oolag maidkku.

Pilipai 3:15

Amu ig oh ig danab kalunig ele daattem amu, ig da nai ami amubia dabmetu! Amu ag dabmak laa ele, dahil bia iitta daappeg amu, Kayak Nug nukka ahilag dabmak tutukku medakku.

2 Timoti 2:14

Na haen oh keeke imu oh nahipad danab ah ag daulagppa dokkunu amelagppa appe doyeg! Na Kayak noobppa ag amelagppa ag nau aomnanu nai ana, ag nai onig digdignu nug aib qeppig. Nai onignu nug qak, amuam meu iitta, danab laa ele ii ehanidtte. Kobol amuam danab ag nai amu dootteb amu, am ag he nauhtteb aakkuib.

2 Timoti 3:10

Amge na da ele oiɗa, na dahil ippunittak nai, dahil oiyak kobol, uɗat da hettem ele diig aɗinu da hettem amu, na amu oh doottem. Na amu doon, na ooppa genab doyak dahil, oo bodoettak kobol dahil, oo mauhak kobol dahil, amu uug mawewe ɠagattag dayak kobol dahil ele na doottem.

2 Timoti 3:16

Kayak Nug he, nuhig nai oh aakku beum, amu ig Kayaknu danab, ig babaittak daat, uɗat ena oh hekkunignu elele daagnignu, nai amu ig ehanigtte. Attemun ehanigtte? Ig amuppa ippunittak aottem. Ig eheɗ hekkunig dayeb amu, ig daug batak megatte. Ig ena ii oignig dayeb, ib tutukku ippunigtte, amu ig Kayaknu neekkakppa genab tutukku hak danab daagnignu ib ele ippunigtte.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

2 Pita 1:5

Diig amununab amu ag kobol ena hekkulagnu dabmenana, wagai mena, kobol ena amu ooppa genab doyak ahilag ele ouaqateg! Amu ag doyak aon ahilag kobol ena ele ouaqateg!

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

2 Jon 1:9

Am aun laa nug Kristusnu ippunittakppaib ii daatte, nug nukka nuhig dabmakppa, dabmak hambuppuak laala ele tuɗidtte amu, nug Kayak ele laippu ii daattep. Am aun laa nug Kristusnu ippunittakppa daatte amu, nug Mame amu Nug Bekka ele oh laippu daatteb.

1 Samuel 12:21

Ag Yawe dim lamidnana, ag kayak hambuppuak aib dim lamidppig! Kayak hambuppuak amu, ag am keeke genab iitta amunu, ag ehanadkkulagnu, o laa eppelagppanu diiadkkulagnu am elele iitta.